Home Info Na shkruani Foto nga Berati Lajmet e tjera Arkiva Forumi i Lajmetarit

.

Foto :

 

 

Titujt kryesore

Berati pa ujë, hakmerret Mali i Shenjtë

Editorial

Dosjet e firmave fantazmë shkojnë në prokurori

Kronika e javes shkurt

POLICET E BERATIT KANE NJE VIT QE S’MARRIN ORET E NATES

Mund të mos licensohen firmat që nxjerrin gurë dekorativë

Partia Socialista e Beratit zgjedh kreun e PS-se per fshatin

PS i kërkon Çelës dorëheqjen nga këshilli i bashkisë

Bashkim Çela i kthehet fshatit

Bashkia e Beratit jep 3% të fondit për shkollat

Ambasadorja e SHBA, znj. Marcie Ries vizitoi Beratin

Bashkia financon grupin “Berati”

Këshilli bashkiak i jep 480 000 lekë grupit të këngës qytetare “Berati”

Simsia : Zogjtë filluan të fluturojnë në qiellin e kaltër, duke lajmëruar se pranvera e vertetë filloi të vinte...

“Tomori”, humbja që kushton shtrenjtë

HOME NEWS KRONIKA

Kronika

Dosjet e firmave fantazmë shkojnë në prokurori

Ndjekje penale për dy firmat që kanë marrë me koncension rrugët rurale në qarkun e Beratit. Dyshimi shkon deri aje sa Banka Botërore ka bërë kontrata me firma fantazmë për të lëvruar fondet pa kryer punime në rrugët e dhëna me koncension.
Është këshilli i qarkut Berat ai që ka dhënë alarmin për mosekzistencën e firmave që kanë marrë fondet për dy rrugët Lapardha –Lumas dhe Berat- Sinjë. Përveç një shkrese nga Ministria përkatëse, asnjë punë nuk është kryer. Asnjëra prej tyre nuk është paraqitur për të kryer punime dhe aq më keq që të dyja nuk figurojnë që të jenë subjekte të regjistruara në organin tatimor në rrethin përkatës sipas deklarimit. Denoncimi në fjalë ka bërë që prefekti i Beratit z. Roland Bejko pas verifikimit të shqetësimit të specialistëve të këshillit të qarkut dhe në ndjekje të një shkrese që ky këshill i ka dërguar Ministrisë së Brëndshme dhe prefektit, ka bërë kallëzimin penal ndaj firmave fantazëm dhe veprimeve të papërgjegjshme për lëvrimin e fondeve nga Banka Botërore nëpërmjet projektit “Mirëmbajtje të rrugëve rurale”.
Që prej shtatorit të vitit 2004 e deri tani kur ka akoma edhe pesë muaj që të përfundojë kontrata e koncensionit për rrugën Lapardha –Lumas 12 kilometra e gjatë, firma “Tony” nuk ka kryer punime në atë segment, ndërsa sipas shkresës nr. 39, dt. 03 janar 2004 të Ministrisë së Pushtetit Vendor dhe Decentralizimit, rruga është përfshirë në projektin e mirëmbajtjes së rrugëve rurale të financuara nga Banka Botërore me një fond 240 milionë lekë. Sipas drejtorit të investimeve në qarkun e Beratit z. Luan Abedini në segmentin në fjalë nuk janë kryer punime mirëmbajtjeje dhe gjendja është tepër e përkeqësuar, ndërsa një firmë e tillë nga interesimi ynë nuk ekziston në organet tatimore.
Duket se fondi në fjalë është destinuar për firmë fantazmë, ndërsa gjendja e rrugës është përkeqësuar, sepse mirëmbajtja e saj nuk është në inventarin e këshillit të qarkut në fondin e rrugëve rurale për dy vitet sipas kontratës.
E njëjta praktikë është përsëritur së fundi edhe me një tjetër segmet të rrugës rurale, atë Berat-Sinjë, e cila sipas një shkrese të Ministrisë së Brëndshme me Nr. 373/1 prot, dt. 25 tetor 2005, mirëmbajtja e rrugës me gjatësi 25 kilometër do të jetë me koncension e financuar nga Banka Botërore me një fond 270 milionë lekë.
Sipas z. Luan Abedini kontrata e koncensionit është bërë me një firmë të quajtur “JV Kriger shpk & Eriku shpk” Fier. Po sipas Abedinit firmat nuk kanë kryer asnjë punim mirëmbajtës, megjithëse rruga është bllokuar disa herë, ndërsa intersimi i këshillit të qarkut pranë organeve tatimore Fier ka rezultuar se firmat kontraktore nuk ekzistojnë të jenë të regjistruara.
Skandali tashmë do të verifikohet nga hetimi që do të nisë nga prokuroria, ndërsa ndoshta së shpejti firmat bëhen të gjalla pas këtij publikimi dhe denoncimi. Zyrtarë të keshillit të qarkut Berat dhe në prefekturë kanë akuzuar për bashkëpunim dhe korrupsion edhe segmente që bashkëpunojnë me Bankën Botërore për projekte të tilla, fondet e të cilës nuk kanë shkuar në destinacion.

Lajmetari: 27.03.2006. |top | Commente | Printo