Home Info Na shkruani Foto nga Berati Lajmet e tjera Arkiva Forumi i Lajmetarit

.

Foto:

 

 

Titujt kryesore

Jetojmë në Europë, por nuk sillemi si europianë

Editorial nga Yzedin Hima

Prefekti: “Firmat ndertuese te rregullojne rrugat qe kane prishur”

 

ZONA MUZEALE NE RREZIK, DO TE PRISHEN 150 NDERTIME PA LEJE

Çmimi “Pegas 2005-2006”

Shpallen fituesit e cmimeve Pegas

Interviste me Z.Mensur Hoxha, kryetar i PS se Bashkise Berat

Ikonostasi 200- vjeçar po jep shpirt

Muzeu “Onufri”, një nga vlerat më të mëdha të mesjetës apelon për më shumë përkujdesje financiare

Pro Helvetia kundër poezisë

 

DITA E VERES, NE BERAT E KUCOVE

Tomori shfryn “dufin” ndaj Tepelenës

HOME NEWS RINORE

Tomori shfryn “dufin” ndaj Tepelenës

Pas tre javësh të trishta rikthehet buzëqeshja tek skuadra beratase e futbollit, e cila vazhdon të ruajë vendin e katërt në renditje duke shpresuar për një ngjitje në javët në vazhdim.
Tepelena ka qënë skuadra që ka provuar furtunën beratase duke pësuar plot 3 gola e duke mos shënuar asnjë. Kanë qënë futbollistët “jabanxhinj”, Dalipi, Prela dhe Lamnica që kanë shpëtuar nderin e Tomorit duke shënuar secili nga një gol në portën tepelenase.
Takimi ka nisur tepër i tensionuar për shkak të një problemi të vjetër midis tifozërisë vendase dhe trajnerit mik Selimi, gjë që e ka prishur disi bukurinë e kësaj ndeshjeje.
Nuk kishte arsye që ky inat të shfryhej në atë mënyrë me sharje dhe fyerje që nuk kanë asgjë të përbashkët me etikën e një qyteti të kulturuara siç është ai i Beratit.
Gjithsesi le të kthehemi tek minuatat e lojës dhe tek episodet interesante të saj.
Të parët që rrezikojnë dhe kërkojnë golin e avantazhit janë futbollistët beratas, të cilët shënojnë rastin e parë në minutën e 5’ të takimit me anë të një goditje dënimi të ekzekutuar nga veterani Dalipi.
Në minutën e 18’ beratasit pas një lëmshi në zonën mike pretendojnë për një prekje të topit me dorë, por nuk është i këtij mendimi gjyqtari Metohia.
Ndërkohë tepelenasit janë të plogët dhe të pafuqishëm për ta shtyrë topin në zonën e Tomorit, ndaj njëherë Karamani e njëherë Delibashi provojnë të gjuajnë nga larg, por pa sukses.
Në minutën e 20’ provon veterani Lako me një goditje të fortë, por portiere mik Çela grushton duke e nxjerrë topin në këndore.
Gjithçka zgjidhet në minutën e 23’ kur pas një harkimi të Dalipit nga e djathta lezhjani Prela kërcen bukur me kokë dhe e kalon topin në rrjetë në krahun e djathtë të Çelës.
Pas golit të parë Tomori çlirohet psikologjikisht dhe nis të kërkoj golin e dytë dhe atë të sigurisë nëpërmjet sulmeve të njëspasnjëshme të ideura nga mesgushori Dalipi, një nga m ëtë mirët në fushë për të dyja skuadrat, i cili në minutën e 35’ me mjaft zgjuarësi dërgon në rrjetë një top të grushtuar nga portiere mik pas gjuajtjes së fortë të kapitenit Dino. Pas golit të dytë gjithçka flet për beratasit që kontrollojnë lojën deri në vërshëllimin e gjyqtarit dhe shkojnë në dhomat e zhveshjes me avantazhin 2:0.
Pjesa e dytë ka të njëjtën pamje me atë të pjesës së dytë ku sulmi beratas vazhdon dialogun e gjatë me mbrojtjen mike, e cila tregoi se nuk është një skuadër që mund të imponojë në fushë, pavarësisht kontributit të Gabës, Idrizit apo të Serianit, i cili duhet thënë se përsa minuta luajti ishte hija e vetvetes. Alarmi i golit të tretë jepet në minutën e 54’ kur qëndërmbrojtësi Fani godet tranversën e portierit Goxhaj, i cili në minutën e 38’ zëvëndësoi portierin Çela. Minuta e 87’ rezulton fatale dhe e pashpresë për tepelenasit pasi Lamnica pas një kombinimi të bukur me Dalipin e kalon topin në rrjetën e Goxhajt.
Goli i nderit për miqtë do të vinte në minutën e 91’ kur Kasneci e ka kaluar topin në rrjetën e portierit Bytyçi. Tomori merr kështu tri pikë të vyera dhe qëndron në grupin pretedent. Një fitore që i ka kthyer pamjen e duhur kampionatit të kategorisë së parë duke lënë gjithçka të hapur.

Formacionet:

Tomori: Bytyçi, Fani, Dino ( Cufollari 84’), Lala, Kurti, Dalipi, Lako, Prela, Aliaj, Lamnica, P. Arbri.
Tr. K. Mile

Tepelena: Çela (Goxhaj 38’), Ruçi, Idrizi, Gaba, Karamani, Serjani (Done 59’), Sako, Xhafa, Merjo, Kasneci (Rustemi 46’), Delibashi Tr. Ilir Selimi

K. Verdhë: Bytyçi, Kurti, Fani

Gjyqtarë: Kryesor/ M. Metohia ( Lezhë), D. Salaj ( Shkodër), E. Pjetrushi (Lezhë)

Shënues: Prela 23’, Dalipi 35’, Lamnica 87’, Delibashi 91

Opinione:

K. Mile:
“E kishim vlerësuar në maksimum këtë takim dhe kemi marrë një fitore të merituar, gjë që na bën më optimist për takimet e ardhshme. Falenderoj gjithë grupin e futbollistëve për lojën që zhvilluan duke dhuruar emocione deri në përfundim të takimit. Besoj se tani jemi rikthyer në lojën tonë dhe presim që të marrim të tjera pika për të mos hequr dorë nga objektivi që i kemi vënë vetes”
Ilir Selimi:
“Jam i ofenduar shumë nga disa lojtarë të Tomorit dhe tifozëria vendase për të cilën dua të them se ka treguar një mungesë të theksuar etike. Nuk besoj se futbolli duhet të mbahet penga nga shfaqje të tilla kaq banale. Sa për lojën treguam ato vlera reale që ka aktualisht skuadra jonë e cila ka si objektiv qëndrimin në kategorinë e parë”

Rushan Dosti

Lajmetari:20.03.2006. |top | Commente | Printo