Home Info Na shkruani Foto nga Berati Lajmet e tjera Arkiva Forumi i Lajmetarit

.

Foto :

 

 

Titujt kryesore

Opozita që pozon si pozitë

Editorial nga Yzedin Hima

Prokuroria e krimeve të rënda heton Ilirian Didën

Në fakt për mungesë të prokurorit të cështjes Ilirjan Dida nuk ka dalë para trupit gjykues, gjë që ka shkaktuar edhe një protestë të tij

ZONA MUZEALE NE RREZIK, DO TE PRISHEN 150 NDERTIME PA LEJE

Çmimi “Pegas 2005-2006”

Shpallen fituesit e cmimeve Pegas

URA E GORICES RREZIKOHET TE SHEMBET

Specialistet thone se nese nuk do te kete interesim per mirembajtjen e kesaj ure qe eshte monument kulture, brezat e ardhshem do te thone qe na ishte nje here nje ure

Një anëtar një votë ndëshkon pushtetarët vendorë të PS-së në Berat

Në listën prej 41 anëtarësh kanë mundur të rifuten vetëm 14 nga ishët e vitit të kaluar

U mblodh këshilli i qarkut të Beratit

Fragment nga diskutimi i kryetarit të qarkut Pelivan Shatri

Prefekti takon ambasadoret, premtohet ndihme per Beratin

Prefekti i Beratit Roland Bejko i hedh nje sy Bogovës

Zgjidhet kryesia e re e PS-se

HOME NEWS POLITIKA

U mblodh këshilli i qarkut të Beratit

Fragment nga diskutimi i kryetarit të qarkut
Pelivan Shatri

Mbështetur në zbatimin korrekt dhe të vazhdueshëm të objektivave të programuara për vitin 2005, administrata e këshillit të qarkut bëri të mundur plotësimin e tyre me sukses në të gjithë treguesit.
Gjatë vitit që shkoi puna e saj u përqendrua në këto drejtime:
U morën masa për zhvillimin normal të veprimtarisë së këshillit të qarkut si organ i zgjedhur dhe vendimarrës. Duke respektuar tematikën e hartuar dhe të miratuar në fillim të vitit, këshilli i qarkut ka zhvilluar 5 mbledhje dhe ka marrë 63 vendime, ndër të cilat kanë qenë:
miratimi i buxhetit 2005, projekt buxhetit 2006, miratimi i planit të kujdesit komunitar për qarkun Berat, miratimi i fondeve të deleguara për investime nga Ministria e Arsimit dhe Shkencës, Ministria e Shëndetësisë dhe detajimi i tyre, miratimi i investimeve nga të ardhurat vendore dhe nga granti i këshillit të qarkut.
Në këto mbledhje janë miratuar edhe një numër i madh vendimesh që kanë ndihmuar disa njësi vendore me investime modeste dhe sidomos ato komuna që kanë të ardhura të pakta, etj. Vlen të theksohet se të gjitha vendimet e nxjerra nga këshilli i qarkut kanë qenë plotësisht të mbështetura në ligjet e parlamentit dhe vendimet e udhëzimet e Këshillit të Ministrave, gjë që vërtetohet edhe nga fakti që ato janë konfirmuar në masën 100% nga prefekti i qarkut.
Në ndjekjen ditore e mujore të detyrave nga çdo drejtori e punonjës, raportimi dhe bërja prezent e problemeve që bëheshin pengesë për vazhdimin normal të realizmit të detyrave. Në këtë mënyrë merreshin masa për përmirësimin e gjendjes.
U morën masa për sigurimin në kohë të projekteve e preventivave për investimet e planifikuara nga granti dhe të ardhurat e vetë qarkut, por i njëjti kujdes u tregua edhe për investimet e dërguara nga dikasteret, ku investitor dhe ent-prokurues ishte këshilli i qarkut.
Me përjashtim të Ambulancës së Zhepës që pati disa pengesa, u siguruan në kohë sheshet e ndërtimit dhe u fillua puna në afatet e përcaktuara në fillim të vitit.
Më mirë se çdo vit tjetër u organizua puna për prokurimin e investimeve, duke bërë kujdes të veçantë në hartimin e dokumentacionit ligjor, për t’u dhënë mundësi konkurimi firmave serioze e të besueshme, të cilat siç rezultoi në përfundim, kryen punime cilësisht të mira.
Në këtë drejtim duhet përmendur, si e re, futja e fotografive në dosjet e realizimit, për të gjitha fazat e punimeve (fillim, gjatë zbatimit të punimeve dhe në përfundim të tyre). Veçanërisht është treguar kujdes në kontrollin e vazhdueshëm nga supervizoret e punimeve të maskuara dhe pasqyrimi i tyre në dosje nëpërmjet fotografive. Të gjitha këto masa bënë të mundur plotësimin në kohë e cilësi të të gjitha investimeve të planifikuara për këtë vit.
Të gjitha këto u bënë duke mos u shkëputur asnjëherë vëmendjen nga plotësimi i treguesve financiare të këshillit të qarkut. Në këtë kuadër mund të përmendim që të ardhurat u plotësuan në 24 375 000 lekë nga 25 729 000 lekë. Ky mosrealizim vjen kryesisht nga mospagesa e truallit të objekteve të privatizuara ndër vite në qarkun e Beratit ku këshilli i qarkut përfiton 25% të vlerës së shitjes së truallit.
Një volum të madh pune ka përballuar drejtoria e Shërbimeve Rajonale dhe Emergjencave. Drejtimi kryesor i punës së saj ka qenë mbarëvajtja e punëve në dy ndërmarrjet e rrugëve rurale Berat e Skrapar.
Ajo ka ndjekur në vazhdimësi realizimin e detyrave të tyre duke qenë prezent me ndihmë konkrete si për mbajtjen në gjendje të mirë të segmenteve të rrugëve që ka në inventar, ashtu edhe për të kontrolluar përdorimin e fondeve dhe të bazës materiale të domosdoshme për plotësimin e detyrave.
Kjo drejtori duke qenë vazhdimisht pranë ndërmarrjeve të saj, ka marrë pjesë direkt në hartimin e projekt-preventivave të domosdoshme për rehabilitimin e segmenteve të ndryshme rrugore.
Këshilli i qarkut ka bërë përmirësime edhe në drejtim të rritjes së bashkëpunimit me organizmat dhe organizatat e ndërkombëtare. Më shumë prej tyre ai ka shkëmbyer korrespondencë dhe takime direkte. Mund të përmend këtu disa nga takimet që ka zhvilluar këshilli i qarkut i përfaqësuar nga kryetari, me delegacione të përbëra nga punonjës të administratës dhe kryetarë bashkish e komunash, siç janë:
1.Takim i zhvilluar në Dubrovnik të Kroacisë me temë: “Mbi zhvillimin institucional”.
2. Takim në Askoli, Itali, me temë: “Bashkëpunimi për Ruajtjen e Vlerave Kulturore Historike.” (Projekti Musa Network).
3. Takim në kuadrin e Programit Intereg III në Macerata, Itali, me temë: “Vlerat kulturore, historike dhe muzeale”.
4. Me ftesë të kryetares së rajoneve Çeke, një delegacion ka marrë pjesë në takimin e Pragës, në të cilin është diskutuar për rritjen e bashkëpunimit midis qarkut të Beratit dhe rajoneve çeke. Takimi ka përfunduar me një deklaratë të përbashkët për vendosjen e bashkëpunimit.
5. Jemi përfaqësuar në mbledhjen vjetore të AER në Strasburg në muajin nëntor.
Në vitin 2005 këshilli i qarkut riorganizoi punën e auditit të institucionit. Nëpërmjet një planifikimi konkret dhe kërkese llogarie të vazhdueshme, kjo zyrë ka arritur që të kontrollojë pothuajse të gjithë veprim-tarinë ekonomike e financiare të institucionit.
Është me vend të përmendim veçanërisht punën e bërë për kontrollin e të gjitha dosjeve të tenderave si për fazën e parë, ashtu edhe për fazën e realizimit të tyre. Puna e mirë e vitit të kaluar jep garanci për thellim të mëtejshëm për vitin në vazhdim.
Përmirësim të dukshëm ka patur edhe puna e drejtorisë së Burimeve Njerëzore dhe Shërbimeve, si në drejtim të zbatimit të ligjeve për marrjen apo largimin nga puna të specialistëve, ashtu edhe në administrimin e disa kompe-tencave në fushën e përdorimit të materialeve e kancelerive që përdor administrata e këshillit të qarkut.

 

Lajmetari: 13.03.2006. |top | Commente | Printo