Home Info Na shkruani Foto nga Berati Lajmet e tjera Arkiva Forumi i Lajmetarit

.

 

 

Titujt kryesore

Opozita që pozon si pozitë

Editorial nga Yzedin Hima

Prokuroria e krimeve të rënda heton Ilirian Didën

Në fakt për mungesë të prokurorit të cështjes Ilirjan Dida nuk ka dalë para trupit gjykues, gjë që ka shkaktuar edhe një protestë të tij

ZONA MUZEALE NE RREZIK, DO TE PRISHEN 150 NDERTIME PA LEJE

Çmimi “Pegas 2005-2006”

Shpallen fituesit e cmimeve Pegas

URA E GORICES RREZIKOHET TE SHEMBET

Specialistet thone se nese nuk do te kete interesim per mirembajtjen e kesaj ure qe eshte monument kulture, brezat e ardhshem do te thone qe na ishte nje here nje ure

Një anëtar një votë ndëshkon pushtetarët vendorë të PS-së në Berat

Në listën prej 41 anëtarësh kanë mundur të rifuten vetëm 14 nga ishët e vitit të kaluar

U mblodh këshilli i qarkut të Beratit

Fragment nga diskutimi i kryetarit të qarkut Pelivan Shatri

Prefekti takon ambasadoret, premtohet ndihme per Beratin

Prefekti i Beratit Roland Bejko i hedh nje sy Bogovës

Zgjidhet kryesia e re e PS-se

HOME NEWS KRONIKA

Opozita që pozon si pozitë

Mbledhja e fundit e këshillit të qarkut për nga ngjyra i ngjante mbledhjeve të këshillit popullor të rrethit

Javën që shkoi u mblodh këshilli i qarkut të Beratit.
Kjo ishte mbledhja më e rëndësishme e vitit për faktin se në tematikën e saj qenë përfshirë disa nga çështjet më të rëndësishme dhe do të merreshin edhe vendime po kaq të rëndësishme. Ndër pikat e rëndësishme mund të përmend diskutimin e buxhetit të qarkut për vitin 2006, investimet në sistemin arsimor parauniversitar për qarkun për vitin 2006, investimet në shëndetësi po për këtë vit, analiza e punës së këshillit të qarkut për vitin 2005 etj.
Për çudi nuk ra fare në sy të drejtuesve të këshillit të qarkut mungesa e opozitës së djathtë. Ose nuk bëri përshtypje mungesa e këshilltarëve të djathtë të qarkut. Nuk ra në sy të këshilltarëve të pranishëm as mungesa e disa prej grupeve të interesit, ndërkohë që do të diskutohej dhe merreshin vendime për ngritje shkollash të reja dhe për rikonstruksione shkollash të amortizuara, për ngritje ambulancash dhe rikonstruksione spitalesh, etj.
Fakti i mungesës së opozitës në një mbledhje kaq të rëndësishme, ndonëse e vogël në numër në këshillin e qarkut, tregon për papërgjegjshmëri të opozitës së djathtë në qarkun e Beratit, tregon mungesë respekti për votuesit dhe qytetarët e këtij rajoni në përgjithësi. Nëse opozita nuk është e interesuar se si do të ndahet granti i pakushtëzuar, nëse opozita nuk është e interesuar se si do të ndahet fondi i ardhur nga qeveria qendrore për investimet në arsim, nëse opozita nuk është e interesuar se si do të investohet ne shëndetësi, nëse opozita nuk do të tregojë me fakte se si ka funksionuar këshilli i qarkut për vitin e kaluar dhe se si duhej të funkiononte sipas ideve të saj, atëherë për çfarë është opozitë dhe cili është funksioni i saj?!
Në fakt në qarkun e Beratit e djathta është në opozitë pothuajse në shumicën e komunave dhe bashkive të këtij qarku, me përjashtim të 2 komunave në rrethin e Skraparit dhe një komune në rrethin e Beratit, por pas zgjedhjeve parlamentare kjo opozitë pozon si pozitë , duke kryer kështu një gabim të rëndë, që mund t’i kushtojë në zgjedhjet e qeverisjes vendore, të cilat po trokasin te porta. Nëse synohet një rezultat i ngjashëm me aktualin në qeverisjen vendore, qeverisje mjaft e rëndësishme për qytetarët, atëherë është i përligjur gjumi opozitar, por është qesharak pozimi si pozitë, ndërkohë që je thjesht në opozitë.
Yzedin HIMA

Lajmetari: 13.03.2006. |top | Commente | Printo