Home Info Na shkruani Foto nga Berati Lajmet e tjera Arkiva Forumi i Lajmetarit

.

Foto

 

 

Titujt kryesore

MESUESIT MIDIS SFIDES DHE NDERIMIT

Editorial nga Yzedin Hima

Intervistë me drejtorin e Drejtorisë së Mirëmbajteve të Rrugëve, z. Astrit Qafa

Dua te bej te ditur qe nderhyrja per riparimin e ketyre demtimeve kerkon kohe te thate dhe temperature mbi 15 grade. Me t’u krijuar kushtet e mesiperme do te nderhyjm per eliminimin e gjithe gropave te krijuara.”

Kronika e zeze

Çmimi “Pegas 2005-2006”

Shpallen fituesit e cmimeve Pegas

LAGJA “ÇLIRIM” JEP SINJALIN “SOS”

E gjithë lagja është e shkatërruar dhe të jep përshtypjen e një lagjeje që mundë të ket qënë prej qindra vjetësh e zhytur në uji ku jeta gjithëashtu ka pushuar së ekzistuari për shkak të ndonjë kataklize që mund të ket ndodhur

Tomori barazon një ndeshje që duhet ta kishte fituar nëse nuk do të kishte treguar shenja lodhje

 

Intervistë me imzot Ignatin, mitropolit i Beratit, Vlorës, Kaninës e gjithë Myzeqesë.

KAM LINDUR NË NJË FAMILJE TË THJESHTË ARVANITASE

PS-ja e Beratit zgjedh lidershipin e saj

 

Bien Flamur Rogu, Pelivan Shatri, Krenar Suku, Fatmira Mustafaj, fiton 86-vjeçari Orhan Frashëri.
 

Osumi mbledh pushtetarë dhe specialistë të hidroteknikës

HOME NEWS KRONIKA

Tomori barazon një ndeshje që duhet ta kishte fituar nëse nuk do të kishte treguar shenja lodhje

Formacionet:

Tomori: Bytyçi, Dino, Aliaj, Fani, Lala (Kurti 90’) , Lako, G. Arbri, Prela, Dalipi, Veleshnja (P. Arbri 90’) Lamnica. Tr. K. Mile

Egnatia: Kocani, Sufaj, Fosa, Hysenaj, Roshi (Ceka 54’), Voja ( Osmani 66’), Hoxha, Topi, Maho, Rexha, Elezi ( Tosku 64’). Tr. S. Branica

Gjyqtarë, kryesor: S. Velçani (Patos), E. Pjetrushi (Lezhë), F. Elezi (Durrës)

K.verdhë: Aliaj, Veleshnja, Maho
Shënues: Dino 52’, Maho 90’

Tomori edhe pse e kishte vlerësuar maksimalisht takimin me ekipin rrogozhinas të Egnatias, në fund mori një shpërblim të pamerituar që ndoshta do të jetë përcaktues në pozitat e ardhshme të kësaj skuadre, që vazhdon të gabojë rëndë në fushën e saj.
Egnatia, skuadra pa shumë pretendime u ka dhënë beratasve një leksion duke u kujtuar se futbolli luhet deri në minutën e fundit, duke përmbysur gjithçka në minutën e 90’ të takimit.
Në fazën e parë Tomori pati fituar bindshëm në Rrogozhinë ndaj një Egnatie që ishte në shpërbërje e sipër, ndërkohë që fitoren në Berat e kishte menduar të lehtë.
Takimi nisi i qetë dhe për mese dhjetë minuta skuadrat testuan njera – tjetrën duke e përqëndruar lojën në kufijtë e mesfushave respektive, ku u vu re një epërsi e lehtë e vendasve që kërkonin të shënonin gol nëpërmjet kundërsulmeve të befasishme.
Mile në këtë takim, përdori një skemë ndryshe nga herët e tjera kun ë mbrojtje ishin rreshtuar tre lojtarë me përvojë si Aliaj, Fani e kapiteni Dino, ndërkohë që mesfusha ishte e blinduar nga pesë futbollistë e në vijën sulmuese ishin vendosur Lamnica e Veleshnja. Një zgjidhje kjo e drejtë nëse do të gjykojmë se objektivi i beratasve ishte vetëm fitorja. Por edhe Branica, në anën tjetër u kendërpërgjigj me një vendosje të drejtë të lojtarëve në fushë duke përforcuar mbrojtjen dhe duke besuar në kundërsulmin dhe aftësitë e shënuesit me përvojë Rexha, i cili nuk ishte në një ditë të mirë.
Pjesa e parë nuk pati ndonjë episod për tu mbajtur mend me përjashtim të minutave 13 dhe 43 kur Arbri ka patur dy raste të pastra por që janë neutralizuar nga portieri mik Kocani. Pjesa e parë i çoi skuadrat në dhomat e zhveshjes me rezultatin e bardhë 0:0 dhe të dy trajnerët i instruktuan futbollistët për të gjetur golin e munguar. Pikërisht me këtë motiv djemtë e Miles shtojnë sulmet në drejtim të portës mike dhe në minutën e 52’ pas një aksioni perfekt, harkimi i mesfushorit Dalipi, më i miri për beratasit, gjen të lirë kapitenin Dino i cili zhytet bukur dhe mposht portierin Kocani duke i dhënë Tomorit epërsinë.
Pas golit. Tekniku Branica bën 3 zëvëndësime, nxjer nga loja Roshin, Vojën dhe Elezin dhe hedh në fushë Cekën, Osmanin dhe Toskun, me qëllim që të freskonte repartin e mesfushës dhe të sulmit. Ndërkohë Mile vazhdon të luajë me të njëjtin formacion të pjesës së parë dhe kërkon me insistim golin e dytë dhe të sigurisë. Madje në minutat 67’, 72’, 74’, 89’, Tomori ka qënë fare praën golit të dytë, por Prela, Arbri dhe Veleshnja nuk kanë mundur të shënjestronin portën edhe për meritë të portierit mik Kocani, i cili ishte në një ditë të mirë.
E kur Tomori kërkonte golin e sigurisë, tek disa lojtarë u vunë re shënja lodhje dhe nga kjo përfituan miqtë që nisën të organizohen në kërkim të golit të barazimit. Në minutën e 79’ Hysenaj ka lëshuar një silurë të vërtetë që ka tronditur traun horizontal të Bytyçit dhe topi pasi është përplasur në tokë është larguar nga mbrojtësit. Kur Mile po kryente ndërrimet për të fituar kohë, miqtë përfitojnë nga një rrëmujë në zonë dhe Maho, futbollisti më i mirë për të dyja skuadrat shënon golin e barazimit duke shtangur tifozërinë vendase, e cila priste vërshëllimën e gjyqtarit Velçani.
Një gol që ndoshta do të kujtohet gjatë, dhe që i ka hequr Tomorit një trepikësh që do të përbënte një garanci më shumë për luftën për në Ligën Superiore. Një barazim që kënaqi miqtë dhe hidhëroi vendasit.
Thane per ndeshjen:

S. Branica, Egnatia: “ Kishim ardhur për një ndeshje të vështirë të cilën e kishim vlerësuar maksimalisht, pasi dihet që Tomori është një skuadër që luan fort dhe pretendon më shumë se san e. Mendoj se barazimi ishte i merituar për faktin që skuadra nuk u demoralizua por e kërkoi golin deri në minutën e fundit duke u kujtuar vendasve se loja mbaron kur bie bilbili i fundit i gjyqtarit. Ishte nje rezultat i drejtë që gjithsesi na kënaq”

K. Mile, trajner i Tomorit: “Luajtëm me kujdes dhe u ndëshkuam krejt pa pritur, gjë që tregon se skuadra ka nevojë për qetësi e qëndrueshmëri. Është një barazim që na prish planet tona, por që gjithsesi duhet pranuar si i merituar nga skuadra mike. Tashmë na duhet të besojmë për një kthesë tërësore në takimet e ardhshme, në të kundërtën do të rrezikojmë objektivin tonë”

Rushan Dosti

Lajmetari: 06.03.2006. |top | Commente | Printo