Home Info Na shkruani Foto nga Berati Lajmet e tjera Arkiva Forumi i Lajmetarit

. Nga mbledhja në prefekturë nën drejtimin e z. Roland Bejko me pushtetarë
dhe specialistë të hidroteknikës

 

 

Titujt kryesore

MESUESIT MIDIS SFIDES DHE NDERIMIT

Editorial nga Yzedin Hima

Intervistë me drejtorin e Drejtorisë së Mirëmbajteve të Rrugëve, z. Astrit Qafa

Dua te bej te ditur qe nderhyrja per riparimin e ketyre demtimeve kerkon kohe te thate dhe temperature mbi 15 grade. Me t’u krijuar kushtet e mesiperme do te nderhyjm per eliminimin e gjithe gropave te krijuara.”

Kronika e zeze

Çmimi “Pegas 2005-2006”

Shpallen fituesit e cmimeve Pegas

LAGJA “ÇLIRIM” JEP SINJALIN “SOS”

E gjithë lagja është e shkatërruar dhe të jep përshtypjen e një lagjeje që mundë të ket qënë prej qindra vjetësh e zhytur në uji ku jeta gjithëashtu ka pushuar së ekzistuari për shkak të ndonjë kataklize që mund të ket ndodhur

Tomori barazon një ndeshje që duhet ta kishte fituar nëse nuk do të kishte treguar shenja lodhje

 

Intervistë me imzot Ignatin, mitropolit i Beratit, Vlorës, Kaninës e gjithë Myzeqesë.

KAM LINDUR NË NJË FAMILJE TË THJESHTË ARVANITASE

PS-ja e Beratit zgjedh lidershipin e saj

 

Bien Flamur Rogu, Pelivan Shatri, Krenar Suku, Fatmira Mustafaj, fiton 86-vjeçari Orhan Frashëri.
 

Osumi mbledh pushtetarë dhe specialistë të hidroteknikës

HOME NEWS KRONIKA

Osumi mbledh pushtetarë dhe specialistë të hidroteknikës

Rreziku i permbytjeve nga lumi Osum si dhe demet e shkaktuara prej tij kanë bërë që të zhvillohet në prefekturën e qarkut Berat nën drejtimin e prefektit z. Roland Bejko një takim për masat për mbrojtjen nga përmbytjet e lumit, një kujtesë dhe tërheqje vëmëndje për firmat që shfrytëzojnë interet lumore si dhe për përdorimin e ujit.
Qellimi i këtij takimi ishte bashkërendimi i veprimtarisë së institu-cioneve qendrore ne nivel vendor (bordi i kullimit, drejtoria rajonale e bujqesise, ushqimit dhe mbrojtjes se konsumatoreve), me organet e qeverisjes vendore qe demtohen nga vershimet e lumit Osum. Si dhe te sensibilizoje donatoret per investime ne sistemimin e shtratit te lumit Osum.
Në këtë takim merrnin pjesë: Sekretari i Këshillit Kombëtar të Ujit (MMAU), z. Skëndër Hasa, kryetari i këshillit të basenit ujëmbledhës Seman (prefekti i qarkut Fier), z. Gramoz Myslymi, përfaqësues i bankës botërore (Projekti PMU) Hajri Esmaili, drejtori i drejtorisë së ujërave (NBUMK) z. Esat Hasani. Gjithashtu moren pjesë kryetarët e bashkive të rajonit, drejtorë të drejtorisë së kujdesit shëndetsor parësor, agjencia e ruajtjes së mjedisit, policia ndërtimore, policia e qarkut, tatim-taksa dhe drejtoria rajonale e shfrytëzimit të transportit rrugor Berat.
Takimi u hap nga prefekti i qarkut Berat, z.Roland Bejko, i cili pasi falenderoi pjesëmarrësit, theksoi se qëllimi i këtij takimi është evidentimi i dëmeve të shkaktuara nga përmbytjet, puna e deritanishme e strukturave për menaxhimin e pasojave dhe parandalimin e tyre në të ardhmen. Gjithashtu në këtë takim ai kërkoi sensibilizimin e organeve të qevirisjes vendore dhe donatorët për të bashkërenduar punën për kryerjen e investimeve me qëllim mbrojtjen e shtetasve dhe pronës nga përmbytjet e lumit Osum.
Më pas dy specialistët në institucionin e prefektit, z. Halim Koxhai dhe z. Kostandin Ndini, pasqyruan një material të bollshëm të gjendjes aktuale të shtratit të lumit Osum, një historik përmbytjesh dhe investimesh në vitet paraardhese si dhe pikat me emergjente për evitimin e fenomenit të gërryerjes dhe përmbytjes.
Së qarku të Beratitë përshkohet mespërmes nga lumi Osum.
Gjithashtu territori i qarkut përshkohet nga një numer i madh përrenjsh malore, te cilet ne periudhen e vjeshtes e te pranveres dalin nga shtreterit e shkaktojne deme te mëdha.
Qyteti i Beratit është me i rrezikuari nga permbytjet. Në 50 vjetët e fundit ai ka njohur disa përmbytje të mëdha, si ato të viteve 1962, 1972, 1983 dhe 2002.

Pak histori

Qarku i Beratit ndodhet ne pjesen qendrore-jugore të Shqiperise, në një reliev të larmishem që fillon nga fusha e Myzeqese se Vogel, duke vazhduar me një sistem kodrash dhe më tej në zonen e Skraparit perfundon me male të larta e të thepisura si ai i Tomorit, Ramies, etj.
Rrethi i Beratit dhe i Kuçovës karakterizohet nga klima mesdhetare kodrinore. Rrethi i Skraparit karak-terizohet nga klima mesdhetare malore. Sasia e rreshjeve mesatare vjetore në qarkun e Beratit është mbi 1200 mm ne vit. Periudhat më me lagështi jane vjeshta e pranvera. Qarku i Beratit pershkohet mespërmes nga lumi Osum. Gjithashtu territori i qarkut përshkohet nga një numër i madh përrenjsh malore, te cilet ne periudhen e vjeshtes e te pranveres dalin nga shtreterit e shkaktojne deme të mëdha.

Disa të dhëna të përmbytjes të muajit shtator 2002

Ne qarkun e Beratit u demtuan rreth 1000 ha toke, 8 ura pasarela,10 shkolla, 1 ujesjelles, 23 stacione pompimi, 52 elektropompa,1 HEC lokal (Bogova), 80 biznese të mesme e të vogla.U përmbyten 250 banesa si dhe u evakuan nga banesat 565 persona.

Punimet ne terren

Në zbatim të urdherit të prefektit të qarkut, nr. 163, date 24.11.2005, filloi pastrimi i shtratit te lumit Osum nga mbetjet e ngurta dhe depozitimet e lumit në segmentin midis dy urave. Për zbatimin e këtij urdhëri u përdor mjeti i bordit të kullimit Berat.U punua rreth 96 ore punë (12 ore në dite).U zgjerua seksioni i gjallë i lumit nga 8 deri ne 16 m2. U zhvendosën rreth 10 mijë m3 dhera. U konsumua rreth 1400 litra karburant. E gjithe kjo punë u realizua me 133 mije leke, fond i buxhetit të shtetit për emergjencat.

Sipas specialistëve shkak i përmbytjeve janë: mbushja e shtratit të lumit dhe e perrenjve me aluvione dhe nga hedhjet e pakontrolluara të mbetjeve të ndryshme. Mungesa e investimeve mbrojtese (argjinatura, penela, etj). Mosriparimi në kohe i dëmtimeve të veprave mbrojtese Cilesia e dobët e punimeve në veprat mbrojtese. Ndertimet në shtratin e lumit dhe të përrenjve. Vetem në shtratin e lumit Osum, në bashkine Berat, në periudhen 1990-2005 janë ndertuar disa dhjetra objekte, pa kryer më parë studim për mbrojtjen nga përmbytjet e lumit.Shfrytezimi pa kriter i inerteve lumore. Mungesa e një projekti te pergjithshem per mbrojtjen nga permbytjet e lumit.

Projektet e argjinaturës së re në Berat

Vlefta e plote e projektit të zbatimit 252 milionë leke. Në bashkine Berat është arshivuar projekti pjesor i zbatimit me vlefte 82.3 milionë leke. Ne vitin 2000 është investuar fondi 7 milionë leke (rreth 65 ml). Në vitin 2001 është investuar fondi 15 milionë leke (rreth 150 ml). Në vitin 2003 u akordua fondi 12 milionë lekë që u transferua ne sistemim asfaltim rruge. Në vitin 2004 u akordua fondi 15 milionë leke që u transferua në sistemim asfaltim rruge.
Me fondet e akorduara gjate viteve 2003 dhe 2004 mund të kishte perfunduar pjesa më problematike e argjinatures-bashkimi i perroit të Zagores me dy pjeset e perfunduara te argjinatures se re.
Më pas në këtë takim e morën fjalën edhe përfaqësues të organeve të qevruisjes vendore si dhe sekretari i këshillit kombetar të ujërave z.Skender Hasa i cili solli eksperiencat e deritanishme në disiplinimin e lumenjve dhe parandalimin e rreziqeve nga përmbytja prej tyre. Përfaqësuesi i bankës botërore (Projekti PMU) z.Hajri Esmaili u shpreh i gatshëm për të financuar projektet që specialistët e hidroteknikës do të paraqisin në drejtim të shmangjes së rreziqeve nga përmbytjet e lumenjve. Po kështu drejtori i drejtorisë së ujërave (NBUMK) z. Esat Hasani theksoi rëndësinë e shfrytëzimit me kriter të lumenjve, pastrimin e tyre si dhe dhenien fund të shkarkimit të mbetjeve urbane dhe inerte në lumë. Në fund të takimit nga prefekti i qarkut u lanë detyra për realizimin e të cilava u shprehën të gatshëm të gjithë pjesëmarrësit. Po kështu në fund të takimit bënë një vizitë në komunën Otllak nga ku panë nga afër dëmet e shkaktuara nga përmbytjet e lumit Osum.
Abedin Kaja

 

 

Lajmetari: 06.03.2006. |top | Commente | Printo