Home Info Na shkruani Foto nga Berati Lajmet e tjera Arkiva Forumi i Lajmetarit

.

 

 

Titujt kryesore

MESUESIT MIDIS SFIDES DHE NDERIMIT

Editorial nga Yzedin Hima

Intervistë me drejtorin e Drejtorisë së Mirëmbajteve të Rrugëve, z. Astrit Qafa

Dua te bej te ditur qe nderhyrja per riparimin e ketyre demtimeve kerkon kohe te thate dhe temperature mbi 15 grade. Me t’u krijuar kushtet e mesiperme do te nderhyjm per eliminimin e gjithe gropave te krijuara.”

Kronika e zeze

Çmimi “Pegas 2005-2006”

Shpallen fituesit e cmimeve Pegas

LAGJA “ÇLIRIM” JEP SINJALIN “SOS”

E gjithë lagja është e shkatërruar dhe të jep përshtypjen e një lagjeje që mundë të ket qënë prej qindra vjetësh e zhytur në uji ku jeta gjithëashtu ka pushuar së ekzistuari për shkak të ndonjë kataklize që mund të ket ndodhur

Tomori barazon një ndeshje që duhet ta kishte fituar nëse nuk do të kishte treguar shenja lodhje

 

Intervistë me imzot Ignatin, mitropolit i Beratit, Vlorës, Kaninës e gjithë Myzeqesë.

KAM LINDUR NË NJË FAMILJE TË THJESHTË ARVANITASE

PS-ja e Beratit zgjedh lidershipin e saj

 

Bien Flamur Rogu, Pelivan Shatri, Krenar Suku, Fatmira Mustafaj, fiton 86-vjeçari Orhan Frashëri.
 

Osumi mbledh pushtetarë dhe specialistë të hidroteknikës

HOME NEWS KRONIKA

Mësuesit, midis Sfidës dhe Nderimit

Mësuesit janë qytetarët që e përjetojnë në tërë përmasat realitetin e sotshëm për shkak të natyrës së profesionit të tyre. Ata ndeshen me tërë nyjen e koklavitur të problemeve të shoqërisë sonë. Mësuesit gjatë tranzicionit postdiktaturë u gjendën në radhët e para të njerëzve të varfër, në një shoqëri që sa vjen e polarizohet. Ata gjenden para sfidave të tilla si : të jesh idealist në një shoqëri që sa vjen dhe bëhet më pragmatiste. Të jesh humanist në një shoqëri që, e dalë nga diktatura e izolimi i egër, ka humbur cdo lloj ndjeshmërie njerëzore. Në dorën e tyre është e nesërmja e këtij qytetrimi që synon të integrohet në Europën e pasur. Në dorën e njerëzve më të varfër të këtij vendi gjendet pikërisht e nesërmja e këtij vendi. A e dinë të gjithë këtë? Nëse sot kemi në parlament individë me mendje të ngushtë, nesër mos u habitni kur të të dëgjoni fjalime deputetësh që lexojnë me shkronja e rrokje, atë që ua kanë shkruar të tjerët. Mos u habitni ku të japin drejtësi individë që nuk kanë lexuar asnjë faqe libri gjatë gjithë jetës së tyre. Mos u habitni kur në krye të bashkisë të vijnë milionerë që do të firmosin me gishtin e lyer në bojë. Mos u habitni kur e gjithë administrata të bjerë në dorë të njerëzve të pagdhëndur me diploma e tituj.
Mësuesit sot gjenden në një skuadër me individë që kanë hyrë ilegalisht në shkollë duke blerë nota e diploma. Atë që me mundim e ndërton mësuesi, orën tjetër e përdhos “i diplomuari”. Mësuesi i vërtetë sot gjendet vetmuar në turmën gri të atyre që, dikur nxënësit më të dobët në shkolla, u bënë “mësues”, se nxënësit e mirë nuk preferojnë të ndjekin studimet për mësuesi për shkak të pagave të ulta.
Mësuesit për shkak të varfërisë gjenden para alternativës : Sokrat i vuajtur apo derr i kënaqur?! Herë-herë fiton alternativa e dytë dhe mësuesi privatizon shërbimin, sic ndodh rëndom në mjaft shërbime publike te ne.
Mësuesi ndjehet i fyer kur paguhet njëlloj me kolegun me të cilin e ndan një mal me libra dhe një det idesh e përvoje. Mësuesi gjendet para sfidës së formimit të qytetarit të nesërm të Europës së Bashkuar. Po si?
Nesër është 7 Marsi, festa e mësuesit, festa e nxënësit, festa e shkollës sonë.Të gjithë qytetarët shqiptarë do të përulen para tempullit të shenjtë, shkollës. Mësuesit do të ndihen të nderuar, por a do të mundet shoqëria jonë t’i bëjë mësuesit të ndihen të nderuar e vlerësuar në gjithë ditët e vitit?!

Yzedin HIMA

 

 

Lajmetari: 06.03.2006. |top | Commente | Printo