.

Foto : Ilir Meta

Titujt kryesore

Tregu apo Turpi i qytetit

Editorial nga Yzedin Hima

GJENDEN RRETH 200 SHPENDË TË NGORDHUR

Banorët e zonës pasi kanë konstatuar se thasët e hedhur përgjatë përroit kanë qënë me zogj të rritur pule, të trembur dhe në panik kanë njoftuar kryetarin e komunës

Kronika e zeze javes.

VIDHET “MISISIPI”
BURG PA AFAT,
AKUZOHET PËR ARMËMBAJTJE PA LEJE,

BRENDA DHJETË DITËVE NGORDHIN RRETH 40 PËLLUMBA

(Dërgohen kampione për analiza në IKV Tiranë)

Intervistë me kryetarin e LSI-së Ilir Meta. dhënë eskluzivisht për gazetën “Lajmëtari”

Z. Edi Rama mbush sallat me anëtarë të
PS-së dhe bën monolog me të tjerë jashtë sallës

NËNSHKRUHET MERMORANDUMI PËR “KORRIDORI UNESCO”

Ndertimi i korridorit qendror-jugor ka mbledhur perfaqësues të pushtetit qendror si dhe përfaqësues të pushtetit lokal nëpër të cilin kalon ky aks rrugor për të zhvilluar një konferencë me temë “Rekomandim për një projekt të rëndësishëm”.

DHUNOI GRUAN, MË PASË PUNONJESIN E POLICISË,PRANGA AUTORIT

Punonjësi i policisë sapo ka hyrë në banesë është përballur me dhunën e shtetasit Droplli

Intervistë me kryetarin e LSI-së Ilir Meta. dhënë eskluzivisht për gazetën “Lajmëtari”

Si do ta vlerësoni punën e qeverisë Berisha gjatë këtyre shtatë muajve?
Gjatë këtyre shtatë muajve PD ka treguar se nuk është ajo e premtimeve të 3 korrikut, por e mashtrimeve të post 3 korrikut dhe mendoj se konfirmimi më i qartë i kësaj ka qënë vet buxheti i shtetit që ka miratuar kjo qeveri vetëm dy muaj më parë për vitin 2006, i cili është buxheti më i dobët i miratuar në tetë vitet e fundit dhe që është një buxhet, i cili ul ritmet e zhvillimit ekonomik të vendit thellon problemet sociale dhe është një buxhet ku asnjë premtim i Partisë Demokratike nuk gjen zbatim. Njekohësisht vet justifikimet e z.Berisha, se për shumë premtime të bëra nuk e lejon tani FMN-ja, tregojnë qartë falimentimin e asaj euforie elektorale që prezantoi PD me të cilën mori jo pak vota dhe mbështetje. Përveç kësaj është për të ardhur keq që Berisha dhe kjo qeveri po shfaqin mentalitetin e vjetër të përqëndrimit të pushteteve dhe të cënimit të institucioneve të pavaruara, gjë që mund të sjellë pasoja në marrëdhëniet e Shqipërisë me BE.

Po rolin e opozitës dhe kryesisht të PS-së si do ta vlerësonit? A e ka kryer ajo detyrën e saj si forca më e madhe opozitare?
Mendoj se PS akoma nuk ka gjetur vetveten në opozitë dhe ende sillet me arrogancën e pushtetit, por që në fakt nuk e ka më, njëkohësisht nuk ka mësuar realisht asgjë nga humbja e 3 korrikut dhe nga arsyet dhe shkaqet që çuan atë në opozitë dhe që përçanë edhe të majtën.Në këtë drejtim është për të ardhur keq që PS nuk ka asnjë ndjenjë pendese për trafikimin dhe tjetërsimin e votës shqiptare nëpërmjet procesit të megadushkut, i cili në fakt solli në pushtet Berishën dhe po kështu në vend që të merret me disa çështje të rëndësishme dhe ta përqëndrojë luftën politike tek qeveria e z.Berisha, më shumë merret me LSI-në apo me PDS-në dhe me forca të tjera të majta, të cilat synon që t’i eleminojë duke dëmtuar edhe më tej mundësitë për bashkëpunim dhe njëkohësisht duke i dhënë mundësi qeverisë së Berishës dhe PD-së që të ketë një frymëmarrje më të gjerë, duke spostuar vëmendjen në një debat më shumë brenda të majtës, sesa midis opozitës dhe qeverisë.Vetë brenda PS-së ka mjaft kritika dhe vërejtje për mënyrën e drejtimit të saj. Këto zera janë të shumtë si në qendër ashtu edhe në bazë. Fakti që ka dorëheqje të një prej sekretarëve, z.Ilir Zela, fakti që shumë nga anëtarët e kryesisë e kanë dënuar këtë politikë që ndiqet ndaj LSI-së apo ndonjë force tjetër të majtë, tregon qartë se gjendja në të cilën është sot PS është e tillë që, jo vetëm nuk e ndihmon atë të gjejë veten, por është bërë edhe një pengesë për një bashkëpunim parimor midis forcave opozitare.
Po nga ky qytet z.Rama para pak ditëve u ka bërë thirje të larguarve nga PS që të rikthehen sërish aty. Si do t’i përgjigjeshit kësaj thirrje të z.Rama?
Mendoj se këto janë thirrje të pakuptimta dhe është për të ardhur keq që kryetari i ri i PS-së në përgjithësi i mbush sallat jo për të komunikuar me njerëzit që marrin pjesë në këto takime dhe sidomos me anëtarët e partisë së tij, por për të komunikuar me të tjerët jashtë sallave. Kjo mënyrë shkakton një ndjenjë keqardhje për ata njerëz me shpresë se do të kenë mundësi të komunikojnë apo të bashkëbisedojnë me kryetarin e tyre, ndërsa dëgjojnë vetëm monologje. Në këtë drejtim unë mendoj se thirrjet e kryetarit të PS-së që të gjithë partitë e tjera të bashkohen rreth PS-së, meqenëse ky është bërë kryetar, tingëllojnë absurde, tingëllojnë njëkohësisht edhe qesharake pasi nuk ka ndryshuar ndonjë gjë thelbësore në PS që nga momenti kur është zgjedhur z.Rama kryetar dhe z.Rama në vend që të investojë energjitë e tij për të krijuar mirëbesim midis PS-së dhe LSI-së, në fakt me disa veprime të tij, i ka dhënë fund edhe disa iluzioneve që mund të kenë patur edhe antarë të PS-së por edhe antarë të LSI-së se ai mund të sillte një frymë të re të bashkëpunimit. Këtu kam parasysh refuzimin e tij për t’u takuar me LSI-në pas ftesës sonë zyrtare për të diskutuar për reformën zgjedhore por edhe disa qëndrime të tjera për të nxitur gjoja largime të antarëve të LSI-së në drejtim të PS-së. Në fakt ka ndodhur e kundërta. Ne kemi sot në radhët e LSI-së rreth 15 mijë ish-antarë të PS-së, por nuk kemi dashur që të nxisim shfaqje publike të largimit të tyre nga PS pasi mendojmë që këto janë zgjidhje individuale që bën seicili si rezultat i bindjeve të tij politike. Në qoftë se PS do të vazhdojë të ndjekë versionin ndaj LSI-së, ne nuk i ndalojmë dot ata antarë të ndershëm të PS që do të bashkohen me LSI-në për ta bërë këtë gjë edhe publikisht, por duke menduar se diversioni brenda së majtës është një harxhim i kotë energjish, ne do të përpiqemi t’i përqëndrojmë përpjekjet tona dhe luftën tonë politike ndaj qeverisë dhe kursit të gabuar që po ndjek shpesh herë kryeministri Berisha.

A e shikoni te mundur bashkepunimin me PS-në në zgjedhjet e pushtetit vendor të cilat po afrojnë dhe cilat do të jenë kushtet tuaja për këtë bashkëpunim?
Ne mendojmë se jemi një forcë politike që synon bashkëpunimin dhe dialogun me forcat e tjera politike, t’i afirmojë si vlera të domosdoshme për një politikë që bazohet mbi një kulturë të re demokratrike, mbi normalitetin dhe stabiletin e institucioneve. Natyrisht që ne jemi të hapur për bashkëpunim me forcat e tjera të majta, por në këtë drejtim mendoj që PS-ja është bërë pengesë për bashkëpunimin, është bërë pengesë me qëndrimin e saj mjaft destruktiv për reformën zgjedhore dhe me diversionin që ka inicuar. Ju e dini shumë mirë që vetë z. Milo denoncoi publikisht z. Rama. Ky i kishte kërkuar që të largohej nga grupi parlamentar me LSI-në dhe në shkëmbim të kësaj t’i jepte pesë deputete të PS-së për të krijuar formalisht një grup parlamentar. Me forma të tilla të pabesa dhe të pandershm nuk mund të ketë bashkpunim të sinqertë dhe të qëndrueshëm. Ne presim reflektim serioz nga drejtuesit e PS-së. Sikurse e përmendëm edhe më lart disa anëtarë të kryesisë si z. Zela, z. Malaj apo dhe kryetari i FRESH-it z. Koja dhe të tjerë janë distancuar hapur nga kjo politikë diversioni e PS-së dhe e kanë konsideruar atë si të dështuar. Ne dëshirojmë që këto zëra të jenë edhe vendimtare në vendimet që do të marrin në forumet drejtuese të saj PS. Ndërkohë ajo që ne kemi në dorë është që të përgatitemi për të hyrë edhe të vetëm në këto zgjedhje.

Mocioni për shkarkimin e znj.Topalli ishte i justifikuar apo ishte një test që PS-ja bëri për të provuar shumicën parlamentare të kualicionit të djathtë qeverisës?
Mendoj se ju takon përfaqësuesve të PS-së për të sqaruar motivet dhe përmbajtjen e mocionit kundër znj. Topalli, por qëndrimi ynë ka patur të bëjë me mohimin e votimit të fshehtë si një domosdoshmëri për të ruajtur funksionimin legjitim të parlamentit. Kjo ka qënë arsyeja jonë kryesore që ne s’kemi marrë pjesë në këtë proces dhe që kemi koordinuar qëndrimet tona edhe me partitë e tjera të opozitës, pasi mosrespektimi i funksionimit demokratik dhe legjitim i parlamentit, në rast se do të tolerohet, mund të sjellë një anashkalim të plotë të këtij institucioni, i cili rrezikon të kthehet në një institucion të PD-së. Përsa i takon qëndrimit tonë, ai ka qënë dhe mbetet i qartë dhe mendojmë se fokusi i opozitës duhet të jetë qeveria, kryeministri Berisha dhe politikat e tyre të gabuara që rrezikojnë standartet e demokracisë që janë arritur në vend dhe njëkohësisht edhe mosmbajtjen e atyre premtimeve elektorale që e sollën Berishën në pushtet. Ky është qëndrimi ynë.

A do ta votoni zotin Nano në një kandidim të mundshëm për President të Republikës?
Mendoj se qëndrimi i LSI-së është i qartë, në vitin 2007 ne synojmë zgjedhje të parakohshme, pasi jemi të bindur se vetëm në këtë mënyrë mund të vendoset legjitimiteti i Parlamentit Shqiptar. Kemi ftuar edhe forca të tjera opozitare që të mbajnë të njëjtin qëndrim. Është për të ardhur keq që PS ka disa qëndrime për çështjen e zgjedhjes së Presidentit. Më e rëndësishme për PS është zgjedhja e Presidentit nga radhët e saj se sa kalimi i vendit në zgjedhjet e përgjithshme për t’i kthyer institucioneve legjitimitetin. Kështu do të kemi një parlament legjitim dhe një president legjitim.

A keni ndonjë zotim si ish-ministër i jashtëm dhe parlamentar për bërjen e qytetit të Beratit pjesë e trashëgimisë kulturore-botërore?
Unë prej kohësh kam bërë të qartë se një nga prioritetet e LSI-së për të ardhmen e Beratit është pikërisht marrja e këtij qyteti dhe e vlerave të tij historike dhe muzeale në kujdesin dhe mbrojtjen e UNESKO-s, i cili është organizëm i rëndësishëm në nivel botëror për këtë qëllim. Besoj se në këtë drejtim punët po ecim mirë. Unë jam i bindur se brenda një kohe të shkurtër, ashtu si dhe Gjirokastra, qyteti i Beratit do të përfitojë këtë status, sepse e meriton si askush tjetër. Jam duke marrë disa nisma konkrete për ta shpejtuar këtë proces. E ndiej se është emergjent integrimi i Beratit në UNESKO, gjë që do të ndihmojë qytetin, jo vetëm për të nxitur programe për restaurimin dhe ruajtjen e vlerave që cënohen çdo ditë nga shkatërrimi dhe moskujdesi i qeverisë dhe i pushtetit vendor, por edhe për ta kthyer Beratin një qendër të rëndësishme të turizmit kulturor dhe historik në rajon.

Intervistoi Abedin Kaja

Lajmetari: 27.02.2006. |top | Commente | Printo