Home Info Na shkruani Foto nga Berati Lajmet e tjera Arkiva Forumi i Lajmetarit

.

Foto

 

 

Titujt kryesore

Tregu apo Turpi i qytetit

Editorial nga Yzedin Hima

GJENDEN RRETH 200 SHPENDË TË NGORDHUR

Banorët e zonës pasi kanë konstatuar se thasët e hedhur përgjatë përroit kanë qënë me zogj të rritur pule, të trembur dhe në panik kanë njoftuar kryetarin e komunës

Kronika e zeze javes.

VIDHET “MISISIPI”
BURG PA AFAT,
AKUZOHET PËR ARMËMBAJTJE PA LEJE,

SHËN VALENTINI, DROGË DHE ARMË TË FTOHTA

Pranga 32-vjeçares dhe të atit të saj 66-vjeçar

DYSHOHESHIN PËR H5N1, REZULTOJNË TË VRARË ME SAÇME

Pra në lagjen “30-vjetori” specialistët vetërinerë të bujqësisë thonë se zogjtë mund të jenë flakur nga ndonjë gjahtar

NËNSHKRUHET MERMORANDUMI PËR “KORRIDORI UNESCO”

Ndertimi i korridorit qendror-jugor ka mbledhur perfaqësues të pushtetit qendror si dhe përfaqësues të pushtetit lokal nëpër të cilin kalon ky aks rrugor për të zhvilluar një konferencë me temë “Rekomandim për një projekt të rëndësishëm”.

DHUNOI GRUAN, MË PASË PUNONJESIN E POLICISË,PRANGA AUTORIT

Punonjësi i policisë sapo ka hyrë në banesë është përballur me dhunën e shtetasit Droplli

HOME NEWS KRONIKA

Kronika e zeze javes.

VIDHET “MISISIPI”

Kanë hyrë në lokalin „Misisipi”, i cili ndodhet në lagjen „10 Korriku”, në afërsi të stacionit të autobusëve me shpresën se aty do të gjenin midis të tjerave edhe një sasi lekësh. Në mungesë të tyre dhe për të mos dalë boshë, vjedhësit kanë marrë disa pije të shtrenjta alkoolike, një impiant „Stereo”, tridhjetë disqe dhe disa steka me paketa. Vjedhja është kryer në orët e natës. Vjedhësit, pasi kanë shqyer qepenin e njërës prej dritareve të lokalit, kanë depërtuar brenda tij duke kontrolluar në të gjitha vendet ku ata mendonin se mund të fshiheshin lekët. Ngjarja është konstatuar rreth orës 07:30 nga pronari i lokalit 35-vjeçari Behar Zere, banues në lagjen „30-vjetori”, i cili më pas ka njoftuar në komisariatin e policisë. Në vendngjarje ka shkuar menjëherë grupi hetimor dhe nga kqyrja e vendit të ngjarjes si dhe deklarimi i pronarit, ka konstatuar se janë vjedhur katër shishe uiski, dhjetë steka me cigare, një impiant „Stereo” si dhe tridhjetë disqe, të cilat kapin një vlerë prej rreth 70 mijë lekë. Më pas grupi i ekspertëve të policisë kriminale ka siguruar në cilësinë e provës materiale disa gjurmë gishtash të cilat i ka dërguar pranë laboratorit qendror të kriminalistikës në MPB. Pas këqyrjes së vendit të ngjarjes, u përpilua dosja dhe më pas dokumentat i kaluan prokurorisë së rrethit për hetime të mëtejshme. Gjithashtu policia kriminale po punon për identifikimin dhe kapjen e autorëve të ngjarjes.

BURG PA AFAT, AKUZOHET PËR ARMËMBAJTJE PA LEJE
Pas dyshimeve për vrasjen e kusheririt, kthehet nga Greqia dhe vetëdorëzohet në polici

Mandi Mara, 26-vjeç, lindur dhe banues në fshatin Havaleas të komunës Kozare, kushëriri i të ndjerit Shpetim Mara, i cili pas krimit makabër të ndodhur më 10 shkurt 2006, ku humbi jetën së bashku me gruan e tij shtatzënë Florien dhe djalin e 2- vjeçar Artjolin, pas marrjes së lajmit për ngjarjen është rikthyer nga Greqia ku kishte shkuar një javë më parë se të ndodhte ngjarja dhe është vetëdorëzuar në polici, ku një ditë më parë ishte shoqëruar edhe babai i tij 53-vjeçar Dilaver Mara, pasi gjatë kontrollit të policisë të ushtruar në fshatrin Havaleas ku ai banon, u ka rrëfyer policëve përpara se ata të bënin kontrollin e banesës së tij se kishte të fshehur në serën e perimeve një armë automatike “model 56”, të cilën e mbante pa leje. Një ditë më pas në datën 17.02, djali i tij Mandi, pasi ka marrë njoftimin për shoqërimin e të atit dhe dyshimeve të policisë se ai mund të ishte vrasësi i kusheririt të tij, Shpetimit dhe familjes së tij, është kthyer nga Greqia dhe ka shkuar në polici duke pranuar se arma automatike e cila mbahej pa leje i përkiste atij dhe jo babait të tij Dilaverit, por duke mohuar kategorikisht vrasjen. Pas pohimit se arma e fshehur në serën e perimeve pranë shtëpisë i përkiste atij, policia e Kuçovës ka liruar Dilaverin dhe ka mbajtur djalin e tij, 26-vjeçarin Mandi Mara, duke e akuzuar atë për armëmbajtje pa leje. Prokurori i çështjes Artjan Bejo i ka kërkuar trupit gjykues të kryesuar nga gjyqtari Ibrahim Hoxha masën e dënimit burg pa afat për 26-vjeçarin M. Mara. Ndërsa gjykata e faktit Berat e akuzon vetëm për “armëmbajtje pa leje”, ekspertët e policisë kriminale kanë kërkuar që të bëhet ekspertiza e armës së gjetur në serën e perimeve të këtij shtetasi si një nga të dyshuarit e vrasjes.
Shenim: Ky shtetas në gjendjen civile quhet Mandi dhe jo Armando.

A .Kaja

Lajmetari: 27.02.2006. |top | Commente | Printo