Berat-Kronika shkurt 2006-Balotash per kreun e PS-se

ZJARRI SHKRUMBON RRETH NJE HEKTAR ME FIQ

Berat
Plantacioni i fiqëve në Uznovë i njohur si më i madhi në vend dhe në Ballkan po shkon drejt degradimit të plotë. Një ndër shkaqet kryesore të shkatërrimit të tij janë zjarret e herë pas hershme që shkaktohen në këtë plantacion nga pakujdesia e pronarëve të tij “Por nuk mungojnë edhe rastet e djegies së qëllimshme”, pohon për gazetën njëri prej banorëve të Uznovës, pronar i një siperfaqeje të konsiderueshme të mbjellë me fiq në këtë bllok. Pakujdesia konsiston në rastet kur pronarët e bllokut pastrojnë mbeturinat në sipërfaqet e mbjella me fiq të cilat më pas i djegin dhe ende pa perfunduar mirë djegia largohen për në shtepi. Në rastet e rënies së zjarit në parcelat e ketij plantacioni, fikja e tij me zjarrfikset e repartit të zjarrfikseve thuaj se është e pamundur për shkak të terrenit dhe mungesës së rrugëve për depërtimin e zjarrfikseve në bllokun e fiqve që dikur ka qenë i famshëm ku pjesa më e madhe e prodhimit të tij shitej për eksport. Për shumë banorë të lagjes Uznovë ky plantacion përbën të ardhurën e vetme ekonomike e cila sigurohet nga shitja e prodhimit të fikut si brenda vendit ashtu edhe nga eksporti i tij. Ka qene ora 19,30 kur ne plantacionin e fiqve në një pjesë ku pronar është z.Shaqir Bajraktari, banor i lagjes Uznovë, jane shfaqur vatra të vogla zjarri të cilat më pasë kanë zaptuar siperfaqe të tëra duke shfarosur vetëm në një ditë rreth 1 ha me drurë frutorë fiku të gjithë në prodhim.
Fillimisht nga kalimtarët e rastit zjarrit nuk i është kushtuar rëndësi duke menduar se ai mund të ishte zjarr i ndezur nga ndonjë çoban që kulloste bagetitë në bllokun e fiqve. Por më pas, kur zjarri është shtuar dhe ka pushtuar sipërfaqe të tëra për rreth kodrës se mbjell me fiq, nga ana e banorëve të Uznovës janë lajmëruar zjarrfiksit, të cilët edhe pse kanë mbrritur shumë shpejt pranë plantacionit, nuk kanë mundur të hyjnë atje ku ishte shkaktuar zjarri. Zjarri ka vazhduar për rreth tri orë dhe megjithë terrenin e veshtire ai është arritur të minimizohet deri në fikjen e plotë të tij rreth orës 01.00 me mjete te thjeshta rrethanore si dhe duke bërë prita nëpërmjet punimit të tokës me kazma, pasi aty mungojnë thuajse plotesisht burimet ujore. “Shkaqet e zjarrit,- sipas të demtuarit z.Shaqir Bajraktari, nuk jane gjendur asnjehere. Bëhen procesverbale dhe gjithçka më pas harrohet. Zjarri nuk mund të jetë i rastesishëm, pasi vetëm brenda një harku kohor prej tre muajsh këtu kanë rënë tri herë zjarr. Ne kerkojmë të gjenden dhe të ndeshkohen shkaktarët e vërtetë pasi dihet qe ka edhe keqëbërës të cilët e vënë me dashje zjarrin për shkak te konkurences, si dhe ka qytetarë te pander-gjegjshëm që djegin mbeturina në tokën e tyre duke u treguar tepër të pakujdesshëm dhe u sjell dëme të medha të tjerëve”.
A.K.

Lajmetari: 6.02.2006. |top | Commente | Printo

Titujt kryesore

Kujdes! Këtu falsifikohet gjithçka!

SHUHET FAMILJA ,EKZEKUTOHET FËMIJA 2 VJEÇ DHE NËNA E TIJ SHTATZËNË

Hoxha –Hodaj në balotazh për kreun e PS-së

ZJARRI SHKRUMBON RRETH NJE HEKTAR ME FIQ

NDERTIMET PA LEJE PUSHTOJNË TOKAT BUJQESORE

PERSONALITETE TË SHKENCËS DHE KULTURËS NË KRT-në E BERATIT

Kam mall të shikoj gjyqtarë të Beratit në gjykime

ZJARRI SHKRUMBON RRETH NJE HEKTAR ME FIQ