Lajmetari i Beratit-Sport- janar 2006

Kur shikoj ndeshje të superligës apo të kategorisë së parë ku luan edhe “Tomori”, që gjykohen nga gjyqtarë të qyteteve të tjera të vendit, madje edhe nga ato qytete të vogla që nuk kanë patur tradita, të them të drejtën sedra sportive për qytetin tim më nxit dëshirën për të parë gjyqtarë nga qyteti im. Dhe ashtu si unë, kam mendimin se këtë dëshirë do ta kenë edhe sportdashësit beratas.
Vite më parë, më kujtohet, që kishim një kolegjium gjyqtarësh cilësorë që mbante peshë dhe jepte kontribut në ecurinë e futbollit shqiptar. Ndodhte që një të diel nga kolegjiumi i gjyqtarëve të Beratit gjykoheshin 3 ndeshje (pra 9 gjyqtarë, sa gjysma e pjesëtarëve të kolegjiumit), e kjo nuk ka qenë pak.
Dëshira për të pasur gjyqtarë cilësorë të Beratit vijën edhe nga një qëllim që ka lidhje me vlerat, kontributin e Beratit në futbollin shqiptar, ndaj kolegjiumit të gjyqtarëve të Beratit në futbollin shqiptar, ndaj kolegjiumit të gjyqtarëve të Beratit duhet t’i jepet ndihmesë nga futboll- klub “Tomori”, bashkia e FSHF-së me qëllim që të eci në traditat, sepse aktualisht përbërja e kolegjiumit ka të rinj me të ardhme që duhen vlerësuar e stimuluar. Nëse në të ardhme do t’i krijohen kushtet këtij kolegjiumi, të jemi të sigurtë se së shpejti do të shikojmë gjyqtarët e Beratit të drejtojnë takime të rëndësishme dhe pse jo ndërkombëtare, ashtu si ka qenë edhe tadita jonë.
Vlash Pambuku

Lajmetari: 30.01.2006. |top | Commente | Printo