Lajmetari i Beratit-Kulture- janar 2006

Në kuadrin e lëvizjeve që kanë përfshirë prefekturën e qarkut me qëllim krijimin e vlerave positive prefekti i qarkut z. Roland Bejko në bazë të nenit 17 të ligjit për KRT-në ka propozuar emrat e rinj që do të përfaqësojnë institucionin e prefektit në KRT-në e Beratit.
Në këtë propozim të prefektit të qarkut janë dy specialistë urbanistë dhe arkitektë e një specialist konstruktor dhe një inxhinier ndërtimi.
Katër emrat e rinj do të zëvendësojnë katër emrat e propozuar nga prefekti paraardhës të cilët kanë qenë Kostandin Dino, inxhinier hidro, Tahir Hysi inxhinier hidro, Rajmonda Kurti, arkitekte dhe Agim Nova inxhinier hidro. Në një konferencë për shtyp lidhur me këtë problem prefekti i qarkut z.Bejko është shprehur: “ Dua t’i falenderoj për punën e mjaftueshme, por jo të mirë dhe për kontributin e mjaftueshëm që kanë dhënë në KRT përfaqësuesit e mëparshëm të prefekturës”.
Duke synuar gjithmonë më të mirën dhe duke vënë objektiva konkrete si dhe në kuadrin e të gjitha reformave që janë ndërrmarrë në qeverisje, prefekti i qarkut z. Bejko ka propozuar katër emra të rinj që do të përfaqësojnë prefektin në KRT, emra që sipas z.Bejko nuk kanë konflikte interesi. Këta emra janë: Dr. Prof. Aleksandër Meksi, inxhinier arkitekt Dr.Prof. Emin Riza, inxhinier, aktualisht specialist në Institutin e Monumenteve të Kulturës, Dr.Prof. Apollon Baçe, drejtor i IMK, znjsh.Marsela Plyku, arkitekte urbane,specialiste në IMK ka mbaruar studimet shkëlqyeshëm në Turqi (beratase). Të katër këta personalitete të njohur në fushat e tyre flasin shtatë gjuhë të huaja përveç kontributeve dhe vlerave intelektuale që njihen në të gjithë vendin. Motivi i këtyre propozimeve të reja sipas z. Bejko ka qënë fakti se qyteti i Beratit është një qytet mbi 2400-vjeçar në vazhdimësinë e tij dhe ky qytet së shpejti do të bëhet pjesë e trashgimisë botërore. Më poshtë z. Bejko tha “Jam i bindur që Berati tashmë nuk do të jetë më qytet vetëm i beratasve por i shqiptarëve dhe qytet ballkanik tani ai do të jetë një qytet me pasuri botërore, ashtu siç edhe e meriton.
Detyra jonë është që ta mbrojme këtë trashëgimi të shkëlqyer që na kanë lënë të parët dhe të kontribuojmë që brezave t’u lëmë një qytet modern, ku të harmonizohet kultura e vjetër dhe ajo moderne.
Këtë synon edhe ndryshimi i ri në KRT-në e prefekturës dhe për këtë unë falenderoj personalitetet që pranuan të jenë pjesë e KRT-së së qytetit të Beratit.
Abedin Kaja

Lajmetari: 30.01.2006. |top | Commente | Printo