Home Info Na shkruani Foto nga Berati Lajmet e tjera Arkiva Forumi i Lajmetarit

.

Foto :Autorja e vrasjes

 

 

Titujt kryesore

NDERROHEN KRERËT E POLICISË

Zv. drejtor i policisë së qarkut u emërua n/komisar Halit Murataj në vend të n/komisar Kristaq Gjika i cili kalon në detyrën e shefit të anti-krimit ekonomik në Dibër

BERATI TRONDITET SËRISH NGA KRIMI NË FAMILJE

Gruaja 60-vjeçare vret dhe masakron me sopatë burrin e saj 66-vjeçar

Shpallen kandidatët për kryetarë të degës së Partisë Socialiste në Berat (qytet)

Kandidaturat janë:
1. Selman Hodaj, 2. Aleksandër Bode,3. Mensur Hoxha

Kur punët bëhen pa mend

Nuk është hera e parë që në Berat shkatërrohet ajo cka u ndërtua me shumë mund e para.

NDERTIMET PA LEJE PUSHTOJNË TOKAT BUJQESORE

Në shkallë qarku janë 2183 ndërtime pa leje në tokë bujqësore Del jashtë funksioni argjinatura dhe kanali kryesorë Vetëm në rrethin e Beratit janë 1449 ndërtime të tilla

PERSONALITETE TË SHKENCËS DHE KULTURËS NË KRT-në E BERATIT

Këta emra janë: Dr. Prof. Aleksandër Meksi, inxhinier arkitekt Dr.Prof. Emin Riza, inxhinier, aktualisht specialist në Institutin e Monumenteve të Kulturës, Dr.Prof. Apollon Baçe, drejtor i IMK, znjsh.Marsela Plyku, arkitekte urbane.

Kam mall të shikoj gjyqtarë të Beratit në gjykime

ndaj kolegjiumit të gjyqtarëve të Beratit duhet t’i jepet ndihmesë nga futboll- klub “Tomori”, bashkia e FSHF-së me qëllim që të eci në traditat,.

HOME NEWS KRONIKA

BERATI TRONDITET SËRISH NGA
KRIMI NË FAMILJE

Berat:
Ende pa u mbyllur muaji janar dhuna në familje shënon rastin e dytë të krimit makabër në rrethin e Beratit, pas atij të ndodhur në datë 07.01.06 në lagjen “Kushtrim” kur dhëndëri vrau ish-vjehrrin me dy plumba në gjoks.
Këtë radhë ngjarja është zhvendosur në fshatin Pobrat, komuna Kutalli. Ngjarja makabër ka ndodhur rreth orës 20:30 në familjen Xhafa mes çiftit të moshuar të fshatit Pobrat.
Bashkëshortët Fatime Xhafa 60-vjeç lindur në fshatin Metoh, Mallakastër, dhe banuese në fshatin Pobrat dhe Meçan Xhafa vjeç 66 lindur dhe banues në fshatin Pobrat, kishin disa vite që jetonin të dy bashkë pasi të katër fëmijët e tyre djem punonin si emigrantë në shtetin Grek.
Sipas dëshmisë së Fatimes në organin e policisë, bashkëshorti i saj 66-vjeçar Meçani kishte kohë që pinte dhe nën efektin e alkoolit e dhunonte sistematikisht atë. Sipas saj edhe herë të tjera ajo kishte provuar fyerjet dhe dhunën fizike të bashkëshortit të saj. Kjo dhunë ka kulmuar rreth orës 20:30 kur Fatimeja e ka vrarë bashkëshortin e saj Meçanin me sopatë.
Ngjarja:
Rreth orës 20:30 Meçani ka shkuar në shtëpi i dehur dhe pasi ka hyrë në kuzhinë, e cila ndodhet e veçuar nga banesa, ka gjetur aty bashkëshorten e tij Fatimen dhe menjëherë ka filluar ta shajë, fyejë dhe dhunojë atë. Më pas Meçani është shtrirë në njërin prej divanëve të kuzhinës dhe në momentin që ai ka qenë i kapitur për shkak të alkoolit, Fatimeja ka marrë sopatën e druve dhe në fillim e ka qëlluar atë prapa kokës me pjesën e prapme të sopatës.
Në gjendje depresioni ajo ka menduar që më pas t’i presë atij edhe dorën e djathtë nga frika se mos ai do të ngrihej përsëri dhe do ta dhunonte. Pas kësaj ajo ka vazhduar duke i prerë bashkëshortit të saj edhe kokën në pjesën e fytit si dhe duke e goditur edhe në pjesët e tjera të trupit. Pas aktit makabër Fatimeja ka njoftuar në telefon njërin nga vëllezërit e saj në qytetin e Patosit të cilit i ka thënë se kishte vrarë bashkëshortin e saj. Pas njoftimit të marrë prej saj në fshatin Pobrat kanë mbërritur vëllezërit e Fatimes, të cilët kanë njoftuar menjëherë në komisariatin e policisë Berat.
Policia:
Pas marrjes së njoftimit në drejtim të fshatit Pobrat kanë mbërritur forcat e policisë dhe një grup ekspertësh të policisë kriminale, të cilët kanë bërë kqyrjen e vendit të ngjarjes dhe kanë arrestuar në flagrancë vrasësen e bashkëshortit të saj, si dhe kanë sekuestruar në cilësinë e provës materiale sopatën me të cilën ajo kishte kryer krimin. Ndërsa trupi i pajetë i viktimës ka shkuar në morgun e spitalit për t’iu nënshtruar ekspertizëz mjeko-ligjore, 60-vjeçarja është shoqëruar për në ambjentet e komisarjatit të policisë.
Përpara oficerëve të policisë gjyqësore Fatimeja e ka pranuar krimin duke u shprehur se e kishte vrarë bashkëshortin e saj, pasi ai kishte vite që e dhunonte sistematikisht dhe se në këtë moshë ajo ka preferuar që më mirë të jetoj në qelitë e burgut se sa të vazhdonte vuajtjen pa fund të shkaktuar nga bashkëshorti i saj, Meçani. Më pas grupi hetimor ka përpiluar dosjen dhe e ka dërguar atë për prokurorinë e rrethit për hetime të mëtejshme.
Precedenti:
Thuajse e njëjta ngjarje ku për shkak të dhunës në familje gruaja vret burrin e saj, ka ndodhur në 14.06.05 në lagjen “30-vjetori” në Berat. 32-vjeçarja Edlira Bazonja, pasi kishte provuar në mënyrë sistematike dhunën e ushtruar nga bashkëshorti i saj Rakip Bazonja, i cili gjithashtu shkonte i dehur në shtëpi, Edlira ka marrë një thikë dhe e ka qëlluar disa herë mbas shpine bashkëshortin e saj Rakipin, i cili për shkak të plagëve të marra ka gjetur vdekjen e menjëhershme. Tashme 32-vjeçarja Edlira Bazonja ndodhet në qelitë e burgut të grave në qytetin e Tiranës për të vuajtur dënimin e krimit të vrasjes, krim të cilin e ka kryer ndaj bashkëshortit të vet për shkak të pamundësisë për të përballuar dhunën që ai ushtronte ndaj saj.
Abedin Kaja

Lajmetari: 30.01.2006. |top | Commente | Printo