Berat- Kronika janar 2006

Janë dy firmat Siemens dhe Diokat të cilat me kontratë nga KESH-i po vazhdojnë të shtrojnë kabllot nëntokësorë të tensionit 20 kw në rrugët e qytetit, por që në shumë degëzime i kanë kthyer të pakalushme jo vetëm nga banorët këmbësorë, por edhe nga makinat, madje këto të fundiit në disa raste duhen për t’u futur në institucionet shtetërore, pasi hyrja e zyrtarëve është e pamundur me këmbë nga pellgjet e ujit të mbledhur në “kënetat” e krijuara para objektit shtetëror. Sipas burimeve zyrtare nga bashkia të dy firmat para filimit të punës kanë nënshkruar një aktmarrëveshje se në të gjitha rrugët e që do hapen kanalet e shtrimit të kabllove nëntokësorë, do të kthehen në gjendjen e mëparshme. Por duket se firmat deri tani nuk e kanë zbatuar këtë marrëveshje dhe kanë vazhduar punën e tyre pa menduar për shkatërrimin e rrugëve. Në këto kushte 20 ditë më parë kryetari i bashkisë Fadil Nasufi ka thirrur në një takim firmat, të cilat kanë fituar tenderin me KESH-in dhe u ka kërkuar që të pezullojnë punimet e mëtejshme dhe menjëherë duhet që bëjnë riparimin e rrugëve të shkatërruara duke i kthyer ato në gjendjen e mëparshme. Por si për ironi të bashkisë dhe të kreut të saj, firmat jo vetëm që nuk kanë denjuar për t’u kthyer në riparimin e rrugëve, por kanë vazhduar punën duke shkatërruar rrugët e tjera në lagjet dhe shetitoret e qytetit. Në këto kushte kryetari i bashkisë Fadil Nasufi, i gjendur edhe përballë kritikave të shumta të banorëve të qytetit, ka urdhëruar task forcën e bashkisë që të verifikojë të gjitha rrugët dhe të urdhërojë të ndalojnë menjëherë punimin në rrugët e qytetit firmat Siemens dhe Diokat dhe të rikthehen në rikonstruksionin e rrugëve. Sipas burimeve zyrtare deri në këto momente të dy firmat nuk kanë riparuar asnjë metër rrugë, madje ajo që të bie në sy është se firmat pranë kanaleve të hapura në shumë vende kanë krijuar grumbuj çakulli të pa hapur.
D.G

Lajmetari: 16.01.2006. |top | Commente | Printo