.

Foto :Gurorja ne Ure Vajgurore

Titujt kryesore

Titujt kryesore

Dosjet në gjykatë edhe per dy doganierë

Të 6 zyrtarët janë denocuar nga qytetarët, kontrolli i shtetit dhe nga kontrolle të rastësishme të policisë

Vodhi të dashurën, Apeli e rikthen në birucë

Ai u denoncua në polici nga e dashura e tij, banore e së njëjtës lagje, se duke qenë me të në banesën e saj, i kishte vjedhur 30 mijë lekë

Vodhi lokalin, dënohet me pe#art2së muaj burg

Gjykata e faktit në Berat, i ka dhënë fund hetimit gjyqësor kundër 19- vjeçarit Jetnor Koka

Historiani Asllan Sulo del me librin e katërt

Libri ka për qëllim të njohë opinionin publik e posaçërisht atë të qytetit të Beratit e rrethit të tij me të dhënat që sjell “Regjistri kadastral i sanxhakut të Shqipërisë i vitit 835 h. (1431-1432.

Ndahet nga jeta Stavri Kuqo

Nuk bëri karrierë të gjatë si futbollist, por krejt ndryshe, ishte karriera si sportdashës i qytetit të vet

Mbi 13 mijë banorë pinë ujë të ndotur në Urën Vajgurore

Për mbi 13 mijë banorët e këtij qyteti, ky ujësjellës është i dobishëm vetëm për muajt e verës dhe në mot pa lagështi, ku sipas analizave rezulton i pastër dhe brenda parametrave biokimik.

Firmat e pezulluara nga bashkia vazhdojnë të shkatërrojnë rrugët e qytetit

20 ditë më parë kryetari i bashkisë Fadil Nasufi ka thirrur në një takim firmat, qe kanë fituar tenderin me KESH-in dhe u ka kërkuar të pezullojnë punimet dhe menjëherë te bëjnë riparimin e rrugëve të shkatërruara duke i kthyer ato në gjendjen e mëparshme.

HOME NEWS KRONIKA

Mbi 13 mijë banorë pinë ujë të ndotur në Urën Vajguroret

Ka mëse katër muaj që mbi 13 mijë banorë të qytetit Ura- Vajgurore, po vuajnë për ujin e pijshëm.
Ujësjellësi i qytetit dërgon në çezmat e tyre ujë të bollshëm për disa orë në ditë. Por ky ujë nuk mund të përdoret nga banorët për asgjë. Vetë banorë të këtij qyteti të vogël thonë se ky ujë nuk mund të përdoret as për pirje, as për gatim dhe sa për larje, por vetëm për bagëtitë.
Megjithatë ndërmarrja e ujësjellësit vazhdon të vjelë rregullisht faturat e konsumit të këtij uji. Punëtorë të ndërrmarrjes thonë se ditët e fundit ka patur shumë familjarë që kanë kërkuar të prishin kontratat me ujësjëllsin, por deri tani drejtuesit e tij nuk kanë pranuar asnjë rast.
Shumica e familjeve e sigurojnë ujin për nevojat e tyre, duke e marrë me bidona nga ujësjellësit e Poshnjes dhe Kuçovës. Banorët thonë se ky ujësjellës është shumë i vjetër.
Deri në vitin ’90 uji i tij ka qenë i mirë dhe kurrë nuk ishin dëgjuar ankesa nga qytetarët. Por pas këtij viti analizat e kanë nxjerrë hërë pas here me ndotje të ndryshme dhe sa vjen, kjo ndotje bëhet më e rrezikshme për jetën e njerëzve.
Për mbi 13 mijë banorët e këtij qyteti, ky ujësjellës është i dobishëm vetëm për muajt e verës dhe në mot pa lagështi, ku sipas analizave rezulton i pastër dhe brenda parametrave biokimik. Ndërsa gjatë dimrit e në mot me lagështi nga çezmat e tyre vjen ujë i ndotur me fekale dhe i turbullt.
Banorët thonë se kanë mbi 4 muaj që askush nuk e përdor këtë ujë për nevoja familjare, por që kanë qenë të detyruar ta paguajnë dhe t’i mbajnë kontratat me ujësjellësin me shpresë se një ditë do të ndërhyet për të shmangur ndotjen. Ka edhe nga ata banorë që thonë se ndërrmarja apo dhe vetë drejtori i ujësjellësit e duan këtë gjendje, ndoshta se mund të kenë bërë ndonjë marrëveshje të fshehtë me interesa reciproke me shitësit e ujit të ambalazhuar në qytet.
Ndërkohë drejtori i këtij ujësjellësi Abil Hoxha pranon ta thotë se uji në këtë ujësjellës turbullohet sa herë që lumi Osum ka prurje. Sepse kur prurjet e Osumit shkojnë mbi nivelin e depozitës së madhe të ujësjellësit që ndodhet pak metra larg shtratit të tij, kjo depozitë e grumbullimit dhe klorinimit mbushet me aluvione.
Ky fenomen ka vetëm pak muaj që ka filluar, por që vetë ndërrmarrja e ka të vështirë ta eliminojë. Ai mund të evitohet nëse ndërtohet një depozitë tjetër betoni diku larg lumit Osum. Por do të duheshin shumë fonde për ta bërë këtë. Hë për hë, thotë ai, e kemi të vështirë edhe të heqim gjanën nga depozita. Këtë e provuam pak ditë më parë duke e lënë depozitën të zbrazur 3 ditë me radhë, por ajo mbushej përsëri me ujë të turbull nga lumi Osum.
Drejtori Hoxha shpjegon se ndotja e ujit në këtë ujësjellës me fekala ndodh vetëm në ditët me shira të vazhdueshëm, të cilët bëjnë bashkimin e ujërave të zeza të lagjes “Guri i Bardhë”, me rrjetin shpërndarës teje të amortizuar në atë lagje. Por ujësjellësi nuk ka fonde për rikonstruksionin e këtij rrjeti.
Mjeku i qendrës shëndetësore për Urën Vajgurore Ibrahim Sadaj thotë se këtë shqetësim banorët kanë kohë që e kanë ngritur në të gjitha instancat. E vetmja gjë që na ka mbetur të bëjmë, thotë ai, është të urdhërojmë mbylljen e ujësjellësit njëherë e mirë. Ndërsa era e keqe e gazit sulfidrik që ai ka në çdo kohë vjen nga burime të ujit termal që ndodhen pranë burimit të ujësjellësit.
Mjeku shpjegon se vite me parë ka patur qindra raste në fëmijë e pleq që kanë shfaqur diare. Por numri i pacientëve të prekur nga bakteri col ka ardhur në ulje, çka tregon se banorët kanë krijuar imunitet nga ky infenksion.
Nga 1 janari deri dje në poliklinikën e qytetit, janë paraqitur vetëm katër fëmijë me diare. Ujësjellësi i Urës Vajgurore u ndërtua në vitet e para të sistemit komunist, me ndihmën e specialistëve jugosllavë. Për herë të parë, që nga ndërtimi i tij, shteti ndërhyri në investime për ta përmisuar pas shfaqjes së sëmundjes së kolerës në vitin 1995, ku nga ky qytet vdiq një 35-vjeçar. Shteti dha mbi 20 milionë lekë të reja për ndërtimin e depos së klorinimit dhe zëvendësimin e disa segmenteve në tubacionin kryesor.
Dorina Gozhina

Lajmetari: 16.01.2006. |top | Commente | Printo