.

Foto

Titujt kryesore

MBANTE LËNDË NARKOTIKE, MERR MAKSIMUMIN E DENIMIT

Shtatë vjet burg ka vendosur për Ziain, trupi gjykues i kryesuar nga gjyqtari I.Hoxha, kundrejt 5.5 vjet që ka kërkuar prokurori

GJENDET I VDEKUR NË PUSETE 74 -VJEÇARI NGA MEMALIAJ

Pas shumë kërkimesh rreth orës 15:00 ka qenë një banore e fshatit, e cila e ka parë trupin e 74 vjeçarit H.Sina brenda një pusete

Arrestime në qytetin e Urës Vajgurore

Ne qytetin e Ura Vajgurore jane bere disa ndalime nga policia e Qarkut Berat.

Osumi përplas kryetarin e bashkisë me prefektin e qarkut

E rëndësishme është që të bëjmë diçka për komunitetin, pastaj sa për meritat ato le ti marë k/bashkisë z.Nasufi”

Emërime të reja në Berat

Janë emëruar disa drejtues të tjerë në institucionet dhe ndërmarrjet e rajonit të Beratit

Konkursi letrar: Ornela Oruçi “K.Capo”, ese

Vazhdon konkursi lerar "Pegas" 2005.

HOME NEWS KRONIKA

MBANTE LËNDË NARKOTIKE, MERR MAKSIMUMIN E DENIMIT
(I kapin 377 gr. heroinë sasia më e madhe e kapur deri më sot në Berat)

Berat:
Është zhvilluar Gjykatën e faktit Berat, procesi në ngarkim I shtetasit Artur Ziai vjeç 36, banor i lagjes “Çlirim”Berat.
Shtatë vjet burg ka vendosur për Ziain, trupi gjykues i kryesuar nga gjyqtari I.Hoxha, kundrejt 5.5 vjet që ka kërkuar prokurori i çështjes L. Dyrmishi.
Gjykimi i djeshëm për shtetasin Artur Ziai i referohet ngjarjes së datës 14.01.05, kur agjent të policisë antidrogë në drejtorinë e policisë Berat, pas informacioneve të marra në rrugë operative janë bindur se shtetasi Ziai mbante në shtëpinë e vet lëndë narkotike të llojit heroinë.
Pas informacionit të marrë agjentë të policisë anti-drogë në bashkëpunim me forcat e rendit të komisariatit të policisë kanë kryer një kontroll banese në shtëpinë e shtetasit A. Ziai. Nga kontrolli i banesës ka rezultuar se 36-vjeçari Ziai mbante në banesen e vet një sasi prej 377 gr lëndë narkotike të llojit heroinë, sasi kjo më e madhja kjo e kapur deri më sot në qarkun e Beratit. Po kështu gjatë kontrollit të banesës atij i është gjetur edhe një krërë me shtatë fishekë.
Pas 11 muaj hetimesh, prokurori i çështjes L. Dyrmishi ka paraqitur përpara trupit gjykues në gjykatën e faktit Berat provat dhe faktet që e akuzojnë shtetasin Ziai për konsumimin e veprës penale të “mbajtje e lëndëve narkotike”parashikuar nga neni 283 i K. Penal si dhe “mbajtje pa leje të municioneve parashikuar nga neni 278/7.
Në këtë seancë gjyqësore prokurori i çështjes i ka kërkuar trupit gjykues për të dyja veprat penale 5.5 vjet heqje lirie për shtetasin A.Ziai. Por nuk ka qënë i këtij mendimi trupi gjykues i kryesuar nga gjyqtari Hoxha, i cili pasi ka dëgjuar prokurorin e çështjes dhe avokatin e Ziait, ka vendosur ta dënojë atë me maksimumin e dënimit të parashikuar nga Kodi Penal, pra me 7 vjet heqje lirie.
Akuza për të cilën është dënuar dje shtetasi Ziai i referohet nenit 283 të K.Penal për “mbajtje e lëndëve narkotike” i cili parashikon dënimin nga pesë deri në shtatë vjet heqje lirie si dhe nenit 278/7 të “mbajtje pa leje të municioneve” i cili parashikon dënimin me gjobë deri në dy vjet heqje lirie.
Me këtë proces gjyqësor merr fund dënimi i mbajtësit të 377 gr lëndë narkotike heroinë, sasi kjo më e madhja e kapur deri më sot nga agjentë të anti-drogës në drejtorinë e policisë Berat.