Home Info Contact Foto nga Berati Lajmet e tjera Arkiva Forumi i Lajmetarit

 

Kasem Trebeshina

 

 

Titujt kryesore

SOCIALISTËT DHE DEMOKRATËT I BASHKON PROJEKTI I QEVERISË BERISHA

Këshilltarët e të gjitha ngjyrimeve politike, pas propozimit të bërë nga këshilltari dr. Miltiadh Veveçka, kanë miratuar pa hezitim propozimin e tij

PRANGOSET VJEDHËSI I 7 MIJË EUROVE

Është zhvarrosur dje rreth orës 13:30 në fshatin Lapardha komuna Otllak fëmija 5-ditësh.

ARSIM: FONDI I DIETAVE AVULLON NË MUAJT E NXEHTË TË VERËS

E gjithë kjo shumë lekësh është harxhuar që në 6-mujorin e parë të këtij viti dhe kjo shumë lekësh është harxhuar në muajt e pushimeve të verës dhe konkretisht në muajt qershor-korrik-gusht.

VIDHET DYQANI I BIZHUTERIVE PRANË “PRO CREDIT BANK”

.Dyqani nodhet në krahun e djathtë të shëtitores kryesore të qytetit fare pranë bankës “Pro Credit Bank”

Konkursi letrar: Sonila Dardha, poezi.

Vazhdon konkursi lerar "Pegas" 2005.

Konkursi letrar:Saimir Muzhaka,ese

Vazhdon konkursi lerar "Pegas" 2005.

Shkrimtari Kasëm Trebeshina në Berat

Me nismën e një grupi të rinjësh të shkollës “Babë Dudë Karbunara” u organizua një takim me shkrimtarin e nëmur Kasëm Trebeshina.

Vjen fitorja pas lojërave te dobëta të ekipit.

Mendimi dhe besimi yne se “Tomori” do ta gjente veten dhe kishte për te bërë kthesën doli i sakte

Një traditë që vazhdon

Është i treti vit radhazi që klubi shumësportësh “Tomori” organizon kampionatin lokal të boksit midis shkollave të mesme të qytetit. Edhe këtë vit, ky kampionat u zhvillua në mjediset e palestrës së boksit “Bernardi&Hasani”.

HOME NEWS OPINIONE

Shkrimtari Kasëm Trebeshina në Berat

 

Berat:
Me nismën e një grupi të rinjësh të shkollës së mesme “Babë Dudë Karbunara” u organizua në Berat një takim me shkrimtarin e nëmur Kasëm Trebeshina. Takimi u zhvillua në lokalin “Castle Park”. Në takim morën pjesë të rinj e të reja gjimnazistë dhe një grup i vogël dashamirës të artit dhe lëtërsisë nga qyteti i Beratit.
Takimi u hap nga krijuesi Llazar Fype, i cili u ndal në veprimin disident të shkrimtarit Kasëm Trebeshina gjatë diktataturës komuniste dhe në veprën e tij ende të pabotuar dhe të censuruar. Takimi u monitorua nga gjimnazistja Ago. Nxënësit nisën të bënin një sërë pyetjesh, të cilave shkrimtari Trebeshina iu përgjegj gjatë dhe me durim.
Pyetjes “a ka patur disidencë në lëtërsinë shqipe” Trebeshina iu përgjegj: “Disidenca nuk është vlerë letrare, por thjesht vlerë shoqërore. Ne letërsinë shqipe nuk ka disidencë, as në Shqipëri nuk ka patur disidencë.Është spekuluar shumë me termin disidencë gjatë këtyre viteve. Tempulli i letërsisë shqipe është i mbushur me të përgëra dhe s’mund të flitet për disidencë. Unë dhe letërsia ime nuk mund të quhemi pjesë e letërsisë shqipe,”
Pyetjes se cilat janë lidhjet me qytetin e Beratit, shkrimtari i nëmur Trebeshina iu përgjegj: “Kam lindur në qytetin e Beratit, matanë parkut në lagjen poshtë.. Nje nga novelat e mia “Mekami” ka një motiv nga qyteti im i lindjes, Berati.
“Nuk merrem me letërsi burgu. Vepra ime do të ishte po kjo që është edhe nëse nuk do të isha burgosur nga diktatura. Unë kam në gjak temperaturën time, pra gjak të nxehtë. Nuk jam reptil që e ngroh gjakun me temperaturën e partisë, apo shtetit, sic ndodh shpesh”, iu përgjegj një pyetjeje tjetër Trebeshina. “Njeriu duhet të rujë veten nga tjetërsimi dhe futja në kopenë e shpersonalizuar. Diktaturat këtë synojnë, depersonalizimin e njeriut.”
Cilët janë shkrimtarët që ka më përzemër Kasëm Trebeshina?
Për çudi të auditorit shkrimtari i mënjanuar nuk përmendi emrin e asnjë shkrimtari shqiptar. Madje ai foli me ton të hidhur për shqiptarët: “Po çfarë bënin shqiptarët ndërkohë që fqinjët e tyre grekë dhe romakë po hidhnin themelet e një qytetërimi të madh? Po çfarë bënin shqiptarët për 2000 vjet me radhë? Pse nuk e shkruanin gjuhën e tyre? Pse nuk e bënë alfabetin e tyre? Unë jam mëkuar që fëmijë me një letërsi të madhe . Që nga shpella e Polifemit deri te kështjella e Vajmarit. Homeri, Sofokliu, Dante, Cervantes, Shekspir, Gëte, ja cilët janë shkrimtarët e mi të zemrës. Nuk duhet të lë pa përmendur edhe letërsisnë e madhe ruse. Letërsia ruse e mori romanin nga Europa dhe ia ktheu asaj romanin me kryevepra të letërsisë botërore nga penat e mëdha të Tolstoit,Turgenjevit dhe gjeniut Dostojevskij.
Në Shën Petërburg unë kam përjetuar një magji artistike. Sapo arrita aty pësova një metamorfozë të çuditshme. Nisa një përjetim tjetër të realitetit dhe një krijim artistik ndryshe. Ditët pa fund polare janë të paharrueshme për mua”, përfundoi përgjegjen e pyetjes shkrimtari i vetmuar Trebeshina. Ndërsa për dy librat më për zemër Trebeshina u përgjegj se ata janë dy : “Testamenti I vjetër” dhe “1001 e një netët”.
“ Kur unë “tradhëtova” partinë komuniste të gjithë më tradhëtuan mua. Vetëm nëna më besonte dhe nuk më shihte si armik. Ballistët edhe në kohë të vështira kishin një farë solidariteti midis tyre, ndërsa ne partizanët jo, ne i hëngrëm kokën njeri-tjetrit” , tha Trebeshina.
Ndërsa për modernitetin e letërsisë së tij shkrimtari foli për zbulimin e kodeve të reja të ligjërimit dhe shprehjes, kode që nuk i përkasin këtij planeti. Ai theksoi se nëse letërsia shqipe nuk ka nevojë për Kasëm Trebeshinën, ai Kasëm Trebeshina nuk ka nevojë për letërsinë shqipe.
“Në letërsinë time gjendet shumëkohësia në një kohë, tipar i letërsisë së sotme moderne europiane ashtu siç u shfaq Shekspiri te letërsia e Dantes, apo Gëtja te Shekspiri. Apo siç erdhi Virgjili nga Odiseu, Fausti nga Virgjili e kështu me radhë.”
Kam shkruar qindra vepra, por kam botuar pak. Letërsia e realizmit socialist që është edhe sot letërsia zyrtare shqipe nuk më pranon se edhe unë nuk e pranoj. Personazhet e dramave të mia kanë folur në skenat e Parisit frengjisht, pa folur shqip. Po kështu edhe një pjesë e veprave të mia”, përfundoi ligjiratën 2 orëshe shkrimtari i nëmur në trë kohët Kasëm Trebeshina.
Lajmëtari