Foto : K.Dervishi

Foto te artikullit

.

HOME NEWS OPINIONE

Të qënit në opozitë fatkeqësi apo luks ?!

  Të qënit në opozitë nuk është ndonjë fatkeqsi e madhe, përkundrazi në perëndim eshtë një fare luksi.
  Ndersa në Shqipëri socialistët kanë filluar ta përjetojnë si një tmerr i vërtetë. Kjo për faktin se socialistët opozitën e kanë trajtuar si fatkeqsia që ju ka rënë atyre për pjesë, dhe se të gjitha të këqijat këtij kombi i vijnë nga opozita, dhe që të jem më konkret nga Berisha.
  Gjatë 8-të vjetëve të mbretërimit të tyre kanë pasur vetëm një qëllim, të shkatërrojnë çdo qelizë të opozitës, duke kaluar deri në fjalën e fundit të një ish kandidati socialist për deputet në fushatën që sapo lamë pas (bashkë me të) “ nuk keni faj ju, kemi faj ne që ju kemi mbajtur me bukë”.

   Fushata që ndermorën socialistët mbi PD-në, Berishën dhe 97-ën kishte në bazë këtë filozofi, dhe pikërisht trajtimin e kundershtarit politik si fatkeqësi kombëtare. Kjo fushate denigrimi kunder opozites, arriti deri në deklarata skandaloze, se ardhja e Berishës në pushtet u quajt nga Nano-Gjinushi-Rama krim kombëtar.
  Në ketë mori marrëzish po kujtoj vetëm një ndodhi elektorale. Kryetari i Partisë Socialiste të Beratit zoti Bashkim Çela (nuk po e quaj shoku se është në opozitë, pasi ky është koncepti ynë për opozitarët si pasuri kombëtare ) në një tak im elektoral, në zyrën elektorale në lagjen “Dëshmorët e Kombit” e quajti kreun e opozitës armik të Shqipërisë, ndersa Ilir Metën tradhëtar. Në fund të fjalimit salla brohoriti: Fitore! Fitore! Vdekje Sali Berishës!
   Po të vazhdoj të rendis fakte të tilla ato janë pa fund. Përsa i përket konceptit që ata kishin për opozitën, koncept mbi të cilin ndërtuan fushatën, ishte populli ai që i mandatoi për në opozitë më 3 korrik. Ishte elektorati, që i dha përgjigje se kush e organizoi 97-ën, që kujtoi se ishte i nevojshëm edhe njëherë 1992, se demokracia ishte goditur rëndë.
  Pas përfundimit të farsës “opozitë kriminale” më 3 korrik demagogët socialistë po ngrenë opinionin se do të hiqen nga puna të gjithë pa përjashtim. Postet drejtuese do t’i marrin ai apo ajo, duke drejtuar gishtin mbi emra sharlatanësh që s’kanë të bëjnë me PD-në. Partia Demokratike tashmë e ka shpalosur platformën fituese, dhe në themel të saj qëndronjnë parimet themelore të demkracisë që rrjedhin nga vota e 3 korrikut.

Kastriot Dervishi