Meqënëse një pjesë e nën-shkruesve janë të njohurit e mi, jam detyruar ti pyes: A janë në dijeni të këtij nënshkrimi? Personalisht besoj dhe jam i bindur që nuk e kanë nënshkruar. Shokë të çetës së Palikar Pavllo Shkarpa ( palikar = kapedan në gjuhën greke), ju them se Palikarit tuaj ka ca kohë që i ka hipur në kokë se i njeh mirë këto punët e kulturës. Po ku i mësoi djalli këto punët e pikturistave? Mos i ka mësuar në gjimnazin e natës (thonë që edhe kungulli do diell të piqet), gjatë kohës që e kreu? Mos i ka mësuar nga ullishtja, kur mblidhte shkarpa për t’u ngrohur dhe ullinj për të kaluar klasën? ( Ulliri i Beratit përveç vlerave ushqyese që i dihen, ka pasur edhe një vlerë të rrallë për beratasit që donin të kalonin klasën, si në rastin në fjalë kur figuronte në listat e studentëve). Mos vallë i ka mësuar kur ndante nga tre autorizime për një apartament? Kjo mund të jetë e vërtetë, sepse zyrën e ka pasur afër pallatit të kulturës, zyrë nga e cila nuk u shkëpute dot edhe pse është rast unikal që ka kthyer zyrën në dyqan (pronë e komunitetit musliman). Balil Gjini ka gabuar rëndë kur mendon se ky i ka hyrë punëve të kulturës për lavdi. Jo, zoti Gjini, mos u mundo të bësh art me personazhe të tillë dhe të analizosh një sharlatan të tipit Pal.
Pal Shkarpa ose Palikari i “Antipatreas” nuk i është futur punëve të kulturës për lavdi. Ai e di mirë se, si kondrabandist floriri, i nevojiten artistët pranë vetes për të kaluar pa probleme në dogana. Unë i kam thënë kokëbosh, por për punët e kulturës. Mos u habisni kur të dëgjoni që filan artist u kap me flori në doganë. Kjo është e para, dhe e dyta në perspektivë është loja me muzeun. Nga përvoja me zyrën që e ktheu dyqan, pse mos të marrim një zyrë për “Antipatrean” në pallatin e Kulturës? Ai ua hodhi pronarëve legjitim dhe jo këtij farë shteti!
Kur bën një studim dhe interesohesh për fakte, dihet që është e vështirë ti gjesh ato, por kur debaton me Palin qenka shumë e thjeshtë, t’i bien vetë, madje nuk të lënë të kalosh rrugës.
Po kaloja rrugës, kur më turret një djalë me teftik dhe më përqafon duke më thënë: “Ç’ia kishe bërë mirë atij Palit për punën e ...”
-Ik,- i thashë,- nuk dua ta dëgjoj më atë emër, duhet të kesh nja njëqind jetë të merresh me Palikarët e Beratit, këtu e në mërgim.
Kur u largova pyeta se kush ishte ai. Më thanë se kishte qenë anëtar i çetës “Antipatrea”, por për probleme ekonomike janë ndarë.
Lajmetari...gazeta nr. 90
