Zaho Jaçaj

Kush është Zaho Jaçaj (vendlindja, arsimimi, përvoja profesionale).
Në radhë të parë ju falënderoj për intervistën si një mundësi e mirë për të komunikuar me publikun dhe posaçërisht me klientët tanë ekzistues, si dhe klientë potencialë.
Jam lindur në Rehovë, Berat. Jam diplomuar me rezultate të shkëlqyera ne vitin 1995, në fakultetin e Ekonomisë Agrare, dega Administrim.
Kam filluar punë direkt pasi përfundova studimet, fillimisht ne administratën doganore. Në vazhdimësi kam dhënë mësim në shkollën e mesme në lëndët matematikë dhe ekonomi e zbatuar. Paralelisht kam dhënë mësim Part-Time, në Universitetin “Ismail Qemali”, Fakulteti i Tregtisë në lëndën makroekonomi. Kam punuar në Shërbimin Social Shtetëror si inspektor kontrolli i Ndihmës Ekonomike dhe Shërbimeve Sociale. Në vazhdimësi kam punuar si analist kredie në Bankën Popullore. Që prej gusht 2006 punoj ne Fondin e Financimit të Zonave Malore, dega Berat.

HOME NEWS INTERVISTA

Bujqësia është një sektor prioritar në Shqipëri, sidomos në Berat

Përfituesit e këtij fondi janë individë, fermerë dhe biznese në zonat rurale që ne mbulojmë.
Produktet që ofron fondi i Financimit të Zonave Malore janë hua individuale dhe hua SME (Small Medium Enterprise). Raporti midis totalit të huave Individuale dhe huave SME po përmirësohet dukshëm në favor të huave SME. Aktualisht huatë SME zënë rreth 98% të tepricës totale të huasë (Portofolit të Huasë) dhe 86% të numrit të klientëve.
Parë nga efektshmëria që jep kredia SME, ajo është shumë herë më e lartë së kredia individuale. Kjo ka lidhje me të mirat materiale që krijohen, me lidhjet e shumta që krijohen midis kësaj ndermarrje (sipërmarrje) dhe fshatit (fermereve individuale), për produktet reciproke, me rritjen e numrit të të punësuarve etj.
Aktualisht ne ofrojmë këto lloje huash:
· Hua afatshkurtër me afat kthimi jo më shumë se 3 vjet.
· Hua afatmesme me afat kthimi jo më shumë se 7 vjet.
· Hua afatgjatë me afat kthimi jo më shumë se 10 vjet.,
Përshtatur kjo me nevojat e klienteve, planin e investimit, ciklin e biznesit etj.
Sa i përket kritereve për të aplikuar po përmend ato më thelbësoret:
· Rezultat pozitiv në tre vitet e fundit të aktivitetit
· Garanci hipotekore.
· Plan-biznes të argumentuar dhe bindes.
· Plan të qartë dhe të detajuar të investimit, objekt i huasë
Fondi i Financimit të Zonave Malore ka për qëllim të japë hua kryesisht në bujqësi dhe në industrinë agro-ushqimore dhe konkretisht në drejtimet e mëposhtëme:
· Tregëti&Shërbime,
· Blegtori,
· Industri,
· Artizanat,
· Sera diellore,
· Frutikulture,
· Makineri bujqësore,
· Agroindustri.
Synim kryesor i fondit është nxitja e aktivitetit prodhues në zonat rurale.

Cili është synimi i këtij Fondi posaçërisht për rajonin e Beratit?
Nuk ka një specifikim dhe objektiv të përcaktuar posacërisht për Rajonin e Beratit. Synimet e fondit janë për të financuar, zhvilluar të gjitha zonat rurale malore, në kuadrin e marrëveshjes më IFAD-in. Natyrisht ne jemi prezent fuqishëm në këtë rajon dhe dega Berat është ndër degët me treguesit më të mirë në të gjitha degët e fondit.

A janë njohur fermerët dhe banorët e zonave rurale të rajonit me egzistencën e këtij Fondi?

Po. U bënë 5 vjet që ne veprojmë në Berat. Ne jemi prezent në pothuaj të gjithë fshatrat e rretheve Berat, Kuçove. Gjithashtu kemi aplikuar një program të qartë dhe të efektshëm marketingu, gjë që ka rritur interesin dhe aplikimet për hua.

Në ç’masë është kreditimi i zonave rurale në rajonin e Beratit sot?

Unë nuk kam të dhëna të plota rreth aktivitetit të kredidhënies nga të gjitha bankat, fondacionet apo institutet e kreditit në zonat rurale. Nga opinionet që marim nga klientët tanë rezulton që ka ngurim nga bankat për të dhënë hua në bujqësi. Sa i përket aktivitetit të fondit tonë, huadhënia në zonat rurale është objekti kryesor i aktivitetit huadhënës. Kemi kredituar deri tani mbi 500 individë apo biznese. Si “produkte”, nëse mund të shprehem kështu, të aktivitetit kredidhënës të fondit mund të përmend zhvillimin e sektorit bujqësor të serave diellore në Gorican dhe përgjithësisht në të gjithë fshatrat e komunës Kutalli, zhvillimin e vreshtarisë dhe ullishtave në Bilçë, zhvillimin e industrisë së përpunimit të vajit në komunën Cukalat. Mbetet shumë punë për të bërë në këtë drejtim nga të gjithë operatorët e huadhënies

A mbështetet ky financim në një srategji të zhvillimit të zonave rurale?

Natyrisht. Fondi i Financimit të Zonave Malore është përgjegjës për administrimin e programit të huasë, i cili është njëri ndër programet që po zbaton qeveria shqiptare në kuadrin e marrëveshjes së trete me IFAD-in, ratifikuar ne parlamentin shqiptar në tetor 2006. Në kuadër të negocijimit dhë miratimit të marreveshjes së mësipërme është bërë një studim i tregut, i mundësive për zhvillim në këto zona, përfshirë këto në strategjinë kombëtare të zhvillimit të zonave rurale. Qeveria shqiptare në bashkëpunim me donatorët ofron dhe programe të tjera zhvillimi, nëpërmjet projekteve të tjera. Po përmend Fondin e Zhvillimit të Zonave Malore, i cili ka në fokus projektet për zhvillimin e zonave malore, projektin për rehabilitimin e veprave të vogla ujitëse, projektin e zhvillimit të zonave verilindore, Projektin 2KR dhe një zinxhir i tërë projektesh aplikuar nga Ministria e Bujqëisë, Ushqimit dhe Mbrojtjes së Konsumatorit

Cili është mesazhi juaj për banorët e zonave rurale që kanë vendosur të jetojnë dhe investojnë në këto zona?

Inkurajues. Bujqësia është një sektor prioritar në Shqipëri, sidomos në Berat. Në sajë të klimës së përgjithshme të biznesit po rriten mundësitë për të bërë biznes dhe në bujqësi. Ka një tendence poyitive në këtë drejtim duke zgjeruar eksportet bujqësore,që më së shumti janë bio, shijet e konsumatorit vendas janë orientuar drejt produkteve vendase.
Tek Fondi i Financimit të Zonave Malore, ashtu si deri tani, do të gjeni një partner serioz në ndihmë të financimit dhe zhvillimit të zonave malore.

Lajmëtari

Lajmetari:11.12.2006. |top | Commente | Printo