Home Info Na shkruani Foto nga Berati Lajmet e tjera Arkiva Forumi i Lajmetarit

 

 

 

HOME NEWS RINORE

SKËNDO, THEVA TABUNE E MUSHKUJVE

Shkolla e Mesme Pedagogjike “Kristo Isak”ndodhet në lagjen “Kushtrim”të qytetit të Beratit. Kjo shkollë është nacionale dhe në të studiojnë 925 nxënës, në degën Pedagogjike 564 nxënës, Gjuhe e huaj 233 dhe numri tjetër i nxënsve iu përket degëve Mekanike Bujqësore dhe Agrobiznes me 128 nxënës. Në këtë shkollë krahas nxënësve të prefekturës së Beratit studiojnë edhe nxënës të ardhur nga rrethet Fier, Vlorë, Lushnje, Tepelenë etj, gjë e cila e bën Shkollën e Mesme Pedagogjike “Kristo Isak” një ndër shkollat më të mëdha të vendit me statusin e shkollës nacionale. Duke qene se kjo shkollë është më e madhja në rreth dhe duke qënë se edhe më parë ka qënë shkollë kombëtare, ku krahas nxënësve beratas studiojnë edhe nxënës të ardhur nga rrethet e tjera, të cilët shpesh herë mund të bëheshin edhe objekt ngacmimi sidomos në vitet 1997, ishte gjykuar që kjo shkollë të drejtohej nga burra, të cilët krahas nivelit të mirë profesional të kishin edhe autoritetin e drejtuesit. Por pas shumë vitesh drejtimit të kësaj shkolle nga burrat në shtator të vitit të kaluar në detyrën e drejtorit të shkollës pedagogjike “Kristo Isak” u zgjodh znj. Afize Skëndo. Në fillim të paktë ishin ata që besuan se Afizeja do t’ia dilte mbanë kësaj pune, kjo ndoshta edhe për arsyet që përmendëm më lart, por edhe duke parë natyrën e qetë të butë dhe femërore të znj.Skëndo. Tani që ka rreth tetë muaj nga fillimi i sezonit të të vitit shkollor 2005-2006, kohë kur ky vit shkollor thuajse po përfundon dhe kjo shkollë vazhdon të ruajë traditën duke i ngritur edhe më lart tregusit në drejtim të disiplinës vijushmërisë dhe rritjes së nivelit mësimor ka bërë që të gjithë të vlerësojnë punën e drejtoreshës së re Afize Skëndo dhe të flasin me respekt për punën e saj në drejtimin e shkollës.

 

INTERVISTA

Si e pritët dëtyrën e drejtoreshës së shkollës së mesme pedagogjike dhe nga ia filluat punës?

Të them të drejtën emerimin tim në detyrën e drejtoreshës së shkollës në shkollën e mesme petagogjike “K.Isak” e prita me emocionet që mund të ketë çdo femër kur merr përsipër një përgjegjesi të tillë, por e bindur se do t’ia dilja mbanë dhe tani që jemi në fund të vitit mësimor 2005-2006 shikoj që nuk kam gabuar në bindjen time duke fituar njëkohësisht edhe një eksperiencë më shumë. Që në fillim të punës sime si drejtoreshë në këtë shkollë mendova që punën ta vë mbi baza të drejta duke marrë në dorë disiplinën dhe vijimin dhe duke gjykuar kështu unë kam ngarkuar anëtarë drejtorie që merren vetëm me vijimin, anëtarë drejtorie që merren vetëm me përparimin, anëtarë drejtorie që merren me disiplinën në shkollë.
Krahas shumë punëve të tjera mendoj që tre shtyllat kryesore të mbarvajtjes së punës në shkollë do të ishin këto, disiplinë, vijim, përparim dhe të trija këto detyra ua ngarkova tre nëndrejtorëve të mi. Të tre këta nëndrejtorë krahas punëve të shumta që kanë në fushat e tyre siç janë njëra për gjuhën e huaj, tjetra për pedagogjinë, tjetri për specialitetin e mekanikës bujqësore, mendova që në shkollë këto do ishin tri shtyllat, pra disiplinë, vijim dhe përparim. Në mbledhjet e drejtorisë unë kam përcaktuar hapat se si do të shihej dhe do të ndryshonte gjendja në të trija këto aspekte. Më konkretisht morëm disiplinën duke parë dhe vëzhguar me plane afatshkurtra dhe afatgjata disiplinën formale në shkollë jo vetëm të nxënësve por edhe të mësuesve, dhe për këtë përcaktuam detyrat se si mund të realizohej përmirësimi që nga sondazhet për fillimin e mësimit, hyrjen e nxënësve në shkollë, respektimin e orarit, futjen e mësuesve në mësim, disiplina e punës në orën e mësimit, paraqitjen estetike të nxënësve etj. Me këtë punë merrej nëndrejtoresha Fitore Sulejmani, e cila krahas punës si mësuese punon me përkushtim edhe për për këtë problem. Ndërkohë në lidhje me vijimin kemi diskutuar në mbledhjet e caktuara nga drejtoria masat se çfarë do të ndryshonim dhe do të bënim më mirë në këtë drejtim. Për këtë u punua jo vetëm që të analizonim statistikat e mungesave thjesht duke i mbledhur ato dhe të verifikonim se sa ishin me arsye dhe sa pa arsye por edhe të shihej larmia e ndodhjes së tyre në shkollë. Edhe për këtë ndërmorëm hapa të caktuara, duke bërë sondazhe dhe verifikuar orët e para dhe orët e katërta si dhe orët e gjashta për të parë larminë e mungesave. Po kështu bëmë koordinimin e punës midis konviktit dhe shkollës, sepse mund të ndodhte shumë mirë që nxënësi të thuhej se është në konvikt, në konvikt të thuhej është në shkollë dhe ne mos të dinim se ku ishte nxënësi.

A kini pasur raste të tilla?

Po kemi pasur një rast, por duke i kushtuar një vëmendje të madhe ne arritëm ta izolonim shumë shpejt. Një nxënës na mungonte në orën e parë të mësimit. Pasi u interesuam për këtë nxënës edhe në konvikt dhe mësuam se nuk ndodhej as aty ne nëpërmjet shokëve dhe shoqeve të tij mësuam se ku ndodhej ky nxënës dhe brenda orës së parë të mësimit e sollëm atë në klasë duke e këshilluar atë. Por ka pasur edhe raste kur ne jemi detyruar që të përjashtojmë nga shkolla katër nxënës, pasi këta nxënës edhe pse i kishim qortuar disa herë ata nuk kishin reaguar dhe vazhdonin të bënin mungesa në shkollë dhe kur këta nxënës plotësuan numrin 45 të mungesave ne i përjashtuam. Këta nxënës në bazë të dispozitave normative nuk kishin vetëm numrin 45 mungesa por kishin dhe probleme të tjera. Ne për të qënë më të qetë shpirtërisht dhe për mos të qenë bashkëfajtorë në largimin e tyre analizuam problemin në tërësi të këtyre nxënësve nga ku na rezultoi se këta nxënës ishin me probleme në konvikt, nxënës që nuk merrnin pjesë në studime, nxënës që vinin me vonesë, nxënës që përdornin alkoolin dhe duhanin, që prishnin orët e mësimit etj. Kjo masë e detyruar ndëshkimore ka ndikuar shumë në disiplinimin e nxënësve të tjerë me tendenca të tilla sidomos në konviktin e djemve.

Po vijueshmëria dhe disiplina në punë e mësuesëve si paraqitet?

Ky problem është si në të gjitha shkollat e tjera. Megjithatë unë deri tani jam e kënaqur me punën e mesuesëve dhe të gjithë stafit pedagogjik. Ideja ime është që të mobilizojë stafin pa bujë, pa s’forcë, pa tone të larta dhe pa dalë nga natyra ime.Me edukatën dhe kulturën time unë jam përpjekur të drejtoj duke mobilizuar, duke frymëzuar, duke motivuar dhe duke krijuar një klimë pune miqësore, pasi i kam të gjithë partnerë dhe bashkëpunëtorë dhe asnjëherë nuk mund të them se kolegët e mi nuk janë të mirë dhe këtë problem unë e kuptoj se nëqoftë se ndodh që mësuesi mos të shkoj në orën e mësimit unë këtë e quaj si mangësinë të punës time, pasi duhet kuptuar se ndonjëri prej tyre nuk ndihet i motivuar për të vajtur në mësim. Ne kemi krijuar një frymë të tillë të ndihmës dhe respektit reciprok duke u udhëhequr gjithmonë nga rregullorja e disiplinës në shkollë. Unë bëj detyrën me shkallën më të lartë të përgjegjësisë dhe asgjë më tepër dhe meqënëse unë bëj me përgjegjshmëri të lartë detyrën duke humbur edhe nga koha ime private dhe kjo mua më fal zgjidhjet më të mira dhe mendoj se kjo formë pune asnjëherë nuk me ka zhgënjyer.
Intervistoi Abedin Kaja

Lajmetari:17.05.2006. |top | Commente | Printo