Home Info Na shkruani Foto nga Berati Lajmet e tjera Arkiva Forumi i Lajmetarit

Balil Gjini

Krijimi i kësaj strukture ëshë racial e përbuzës. Disa përkëdhelen, quhen të besueshëm, pra, “tanët”, kurse të tjerët shihen vëngër, quhen të pabesueshëm, domethënë “të tjerë”. Institucioneve iu merret nëpër këmbë dinjiteti.

HOME NEWS POLITIKA

Malli për fantazmat demode të së shkuarës

Në fundin e vitit që kaloi, me miratimin e Këshillit bashkiak, është krijuar një strukturë e re administrativo-financiare për disa institucioneve të qytetit si: pallati i kulturës, muzeu, galeria e artit, klubi shumësportesh, biblioteka, etj. Kjo strukturë nënkupton shkrirjen e tyre dhe bashkimin nën një kupolë të vetme që është drejtoria e qendrës ekonomike arsimore. Kjo strukturë i ngjan komitetit Ekzekutiv të viteve 1970 dhe malli për të është malli subkoshient për fantazmat demode të së shkuarës. Mendojmë se është e domosdoshme që Kryetari i Bashkisë dhe Këshilli bashkiak që ndërmarrin shkrirjen e saj për disa arsye:
a) Në vitin 1990, kur njerzit u ngritën për të rrëzuar Diktaturën, nuk
kishin asgjë me filozofinë e Marksit. Përmbysja synonte të shkatërronte ekonominë e centralizuar, e cila e kishte çuar vendin në buzë të katastrofës dhe të greminës. Orvatja për të krijuar tashmë forma të ngjashme është o padije, ose karshillëk.
b) Europa ka harxhuar kohë dhe të holla me qëllim që pushtetarët
tanë ta kuptojnë se proçesi i decentralizimit është jetik për fatet e vendit e kombit. Por vini re: ndërsa pushteti qëndror ka tendecë t’ i lëshojë kompetencat (ujësjellësi, tatimet dhe policia ndërtimore kalojnë në varësi të bashkisë), tendenca e pushtetit vendor për t’ i grumbulluar kompetencat në një dorë të vetme është e çuditshme (!) dhe e pashpjegueshme.
c) Tashmë është provuar katërcipërisht se pavarësia e institucioneve ka të bëjë me vetë thelbin filozofik të lirisë. Kjo pavarësi zhduk hegjemonizmin dhe uniformitetin që i marrin frymën shtetit dhe krijon shumëllojshmërinë dhe përveçësitë. Falë saj krijohet fytyra e çdo institucioni dhe del përgjegjësia individuale e secilit. Në strukturën e re përgjegjësia është edhe e të gjithëve, edhe e askujt.
d) I vetmi “argument” që është sjellë për krijimin e kësaj strukture është se ajo është marrë si përvojë e përparuar në dy-tri qytete. Vini re përsëri terminologjinë: përvojë e përparuar Kjo kohë të lë gjithë hapësirat e domosdoshme për të vepruar në mënyrë krijuese dhe imagjinative. Aftësia për të kopjuar, apo për të marrë modele të gatshme, është cilësi e mendjeve shterpa dhe jopjellore. Tendeca për të ngjallur përvojën e përparuar të kolkozeve vjen nga malli subkoshient për fantazmat demode të kohës së shkuar.
e) Krijimi i kësaj strukture ëshë racial e përbuzës. Disa përkëdhelen, quhen të besueshëm, pra, “tanët”, kurse të tjerët shihen vëngër, quhen të pabesueshëm, domethënë “të tjerë”. Institucioneve iu merret nëpër këmbë dinjiteti. Harrohet se marrëdhëniet me shtetin janë të ftohta akull, si vetë ligjet dhe rregullat që e përbëjnë atë.
f) Krijimi i kësaj strukture është antiligjor, së paku për bibliotekën. Ajo shkel Ligjin “Për bibliotekat në Republikën e Shqipërisë”, me numër 8576, datë 3.2.2000
g) Krijimi i ekonomive të centralizuara është provuar si një dështim i plotë. Rikthimi për të diskutuar çështje plotësisht të ezauruara është një kohë e humbur që ka të bëjë me mentalitetin anadollak. Investimi për to është investim për dështimin.

Lajmetari: 30..04.2007. |top | Commente | Printo