Intervista
kronika e numrit 146 date 11 dhjetor 2006

Në këtë veprimtari merrnin pjesë studiues nga vendi dhe të huaj, kryetari i bashkisë z. Fadil Nasufi, myftiu i Beratit Murat Hoxha, peshkopi i Beratit, hirësia e tij Ignati, intelektualë nga qyteti i Beratit.
Në fjalën e hapjes, drejtori i drejtorisë rajonale të Monumenteve të Kulturës, z. Ajet Nallbani bëri prezantimin e programit të këtij sesioni shkencor.
E gjithë veprimtaria u shoqërua me pamje në monitor.
E para e mori fjalën Iris Pojani, e cila në emër të Qendrës Ndërkombëtare të Arkeologjisë Shqiptare, trajtoi problemin e rolit të kësaj qendre në mbrojtjen dhe promovimin e trashëgimisë kulturore.
Maria Grazia Amore foli për projektin FoAP në shërbim të trashëgimisë kulturore shqiptare.
Nërsa për hartimin e hartës arkeologjike, hartuar nga një grup pune prej katër anëtarësh, në shërbim të trashëgimisë kulturore dhe arkeologjike foli, z. Ardit Miti.
Për mbrojtjen dhe konservimin e monumenteve në Berat, foli Mariacristina Glambruno.
Ermelinda Hoxhaj, kumtoi rreth bazës së të dhënave, të regjistrimit dhe të promovimit të qendrave arkeologjike dhe monumentale.
Në mbyllje të kësaj seance e mori fjalën drejtori i drejtorisë rajonale, z. Ajet Nallbani, i cili parashtroi shanset për zhvillim të trashëgimisë kulturore në qarkun e Beratit.
Seanca e dytë nis me kumtimin e Koço Gjipalit rreth inventarizimit të trashëgimisë kulturore si domosdoshmëri për mbrojtjen dhe zhvillimin e saj.
Sabuiana Veseli kumtoi rreth menaxhimit të trashëgimisë arkeologjike.
Lerodan Bohatka prezantoi kumtesën “Beautiful Berat”.
Dhe mbyllet kjo seancë nga Elida Petoshati dëgjoi kumtesën “Procesi i regjistrimit të Beratit në listën e trashëgimisë botërore të UNESCO-s.
Ne seancën e fundit, që iu kushtua kryesisht arkeologjisë, kumtuan:
Lorenc Bejko, “Arkeologjia publike dhe roli i saj në promovimin e trashëgimisë kulturore”; Nuri Çuni, “Arkeologjia dhe mundësitë e zhvilliomit të turizmit në Skrapar”; Syrja Lela, “Aplikimi i teknologjive të reja në survey arkeologjike”; Genc Samimi, “Trajtimi arkeologjik i kishës së Shën Mëri Vllahernës”; Sulejman Dashi, “Dukuria arkitektonike në faltoret e Beratit” dhe Oliover Gilkes, “Turizmi arkeologjik”.
Pas çdo kumtimi, drejtori i drejtorisë rajonele, z. Ajet Nalbbani, bënte prezantimin vlerësues për çdo kumtues.
Në fund të çdo seance u zhvilluan edhe debate.
Në emër të bashkisë Berat, foli kryetari i saj Fadil Nasufi, në emër të myftinisë foli myftiu Murat Durra dhe në emër të mitropolisë foli Ilia Zaka.
Fjalën e morën edhe pjesëmarrës të tjerë.
Kjo veprimtatri u mbyll me një darkë pune në orët e vona të mbrëmjes.

 

Agim Mehqemeja

© 2003-2006. lajmetari.net
Designed by Arjan Soraj, visit my Home page or contact me via Email.