Home Info Na shkruani Foto nga Berati Lajmet e tjera Arkiva Forumi i Lajmetarit

Foto K. Dervishi

 

 

 

 

 

 

Këshilli i qarkut pushon së qëni institucion demokratik, mungon opozita. Të djathtët votuan Pelivan Shatrin e PS-së dhe Eduart Bejkon e LSI-së

 

 

 

Duke parë numrin e votave që ka marrë zoti Shatri, rreziku për demokracinë është shumë i madh, madje edhe vetë socialistët janë befasuar me besimin që iu dhuroi e djathta, edhe pse ata nuk kishin nevojë. E gjitha kjo rrodhi si pasojë e rrëzimit të shtyllave të moralit politik dhe vendosjes në vend të tyre të shtyllave të interesave meskine.

 

 

 

 

 

 

HOME NEWS EDITORIALE

Ndodhi ajo që pritej.

Ditën e premte datë 27 prill 2007, në konstituimin e Këshillit të Qarkut të Beratit u shpreh përfundimisht hapur se pluralizmi në nahijen tone është në rrezik të madh. Ndodhi ajo që pritej. Treva e Beratit, përveç dokeve, riteve, zakoneve, mënyrës së jetesës, ka edhe mënyrën e të menduarit të njëjtë (këtu kam parasysh rezultatin e votimit, pasi në realitet është krejt ndryshe) duke përfshirë edhe bindjet politike. Kjo u duk qartë në votimin për kryetar qarku, ku zoti Pelivan Shatri i mori të gjitha votat e këshilltarëve të të gjitha partive që përfaqësohen në këshillin e qarkut njësoj si në kohën e qoftëlargut. Kjo mund të jetë goditja më e rëndë që i është dhënë pluralizmit në Shqipëri
Forcat e djathta kanë 20% të këshilltarëve në këshillin e qarkut, të cilët në unanimitet votuan për kryetarin Shatri.
Të gjitha rastet e kombinacionet e përsëritura shpesh kohët e fundit në politikën lokale, kishin vetëm një llogjikë, atë të pazarit. Pluralizmi politik pushoi së ekzistuari. Tek- tuk filluan të krekoseshin për fitore, individë të forcave të djathta, a të majta në konstituimet e bashkive a komunave, duke i interpretuar si politikanë që nuk ua ha qeni shkopin, madje se kjo është politika e vërtetë duke krijuar idenë se ca dalin për të mbledhur vota në fushatë dhe ca të tjerë dinë t’i përdorin ato.
Në demokracinë e vërtetë oponenti ka të drejtë të kundërshtojë. Në rastin e zgjedhjes së kryetarit të qarkut, këshilltarët e koalicionit të djathtë, jo që nuk kundërshtuan me votë, por u bënë palë me të majtën. Vota nuk është mall që mund ta shkëmbesh për ushqim a të mira materiale Ata e përdorën votën për të shtuar komoditetet e tyre dhe duke më dhënë mua të drejtën të mendoj se e kanë këmbyer për ushqim e të mira materiale.
Në demokraci vota është fjala e fundit. Vota e elektoratit të djathtë i dha vetëm të drejtën këshilltarëve që të kryejnë detyrën, dhe ata nuk e kanë kuptuar misionin që kanë si përfaqësues, të tyre por e shpërdorojnë atë për qëllime personale.
Duke parë numrin e votave që ka marrë zoti Shatri, rreziku për demokracinë është shumë i madh, madje edhe vetë socialistët janë befasuar me besimin që iu dhuroi e djathta, edhe pse ata nuk kishin nevojë. E gjitha kjo rrodhi si pasojë e rrëzimit të shtyllave të moralit politik dhe vendosjes në vend të tyre të shtyllave të interesave meskine. Pra ta shikosh votën përfaqësuese, si mall, dhe ta përdorësh për interesa fare të ngushta, nuk ka papërgjegjshmëri më të madhe që mund të bëjë një i zgjedhur, por akoma më e madhe bëhet papërgjegjshmëria, kur i zgjedhuri eshtë edhe drejtues i rëndësishëm.

Kastriot Dervishi

Lajmetari: 30.04..2007. |top | Commente | Printo