Y. Hima

HOME NEWS EDITORIALE

Informatizimi i shkollës, hap drejt Europës

Brenda dates 25 dhjetor 2006 të gjitha shkollat e qarkut të Beratit me laboratorë informatike

Këto ditë u krye informatizimi i plotë i shkollave të mesme të Beratit. Tani në të gjitha shkollat e qytetit të Beratit, Urës Vajgurore, Poliçanit dhe Corovodës, nxënësit, mësuesit dhe prindërit e tyre mund të përdorin kompjuterat. Është një investim mjaft i rëndësishëm i qeverisë shqiptare, sipas një projekti të Ministrisë së Arsimit dhe Shkencës. Në çdo shkollë janë instaluar 17 kompjutera të rinj, me të gjithë aksesorët përkatës. Javën që shkoi u paisën me laboratorë informatike shkollat “Kristo Isak”, “Ajet Xhindole” dhe “Shyqyri Lakra” në Berat. Po ashtu u bë instalimi në shkollat e mesme të Kuçovës, Urës Vajgurore dhe ato të Skraparit. Tani në shkollat e mesme të Beratit ka të paktën një laborator të plotë informatike. Në disa shkolla si “Babë Dudë Karbunara”, “Stiliano Bandilli” ka dy të tillë. Një kabinet i tillë u instalua edhe në shkollën e mesme të bashkuar të Kutallisë. Brenda datës 25 dhjetor do të instalohen laboratorë të informatikës edhe në shkollat e mesme të komunave në të gjithë rajonin e Beratit.Të gjitha shkollat e mesme kryesore në rajonin e Beratit tani kanë laboratorë të nivelit të lartë të informatikës, duke i hapur udhë një procesi modern, atë të shndërrimit të shkollave në qendra të hapura edukimi dhe informacioni, sikurse janë simotrat e tyre në Europën e qytetëruar. Me informatizimin e shkollave të mesme drejtoria rajonale arsimore do të nisë një projekt tjetër ambicioz, atë të lidhjes me internet të të gjitha shkollave dhe formimin për çdo shkollë të faqes përkatëse on line. Pas datës 25 dhjetor 2006 kjo mundësi do të shtrihet në të gjitha shkollat e mesme të qarkut të Beratit.
Ministria e Arsimit dhe e Shkencës e shikon informatizimin e shkollave si një nga reformat e rëndësishme në sistemin e edukimit, krahas Maturës Shtetërore, Aleterkstit etj. Informatizimi i shkollave i afron nxënësit tanë me botën e qytetëruar, nëpërmjet shkëmbimit të informacionit. Tani nxënësit dhe mësuesit do të kenë mundësi që të marrin informacionin e fundit në çdo orë të ditës nëpërmjet lidhjes së internetit. Natyrisht do të ketë një informacion mjaft të bollshëm për shkencat, artin, letërsinë, edukimin dhe qytetërimin në përgjithësi. Qytetarët shqiptarë që kanë vuajtur izolimin e tmerrshëm nga bota gjatë periudhës së diktaturës, tani janë praën botës së qytëtëruar. Nëse ka diferenca të mëdha me Europën në ekonomi, kushtet e jetesës, mjedis, pikërisht shkalla e marrjes së infomacionit të gjithanshëm është pothuajse e barabartë midis nxënëse të BE-së dhe atyre të Shqipërisë tani, pas krijimit të laboratorëve të informatikës dhe instalimit të internetit. Nuk është pak për një vend si Shqipëria,e cila renditet në vendet e para për nivel varfërie në Europë. Ky është një ogur i mirë. Më në fund shoqëria shqiptare, qeveria po e shikon shkollën si një prioritet, ku do të nisë kthesa e madhe drejt futjes në hartën e vendeve të qytetëruara dhe begata. Mësuesit , drejtuesit e shkollave kanë tani një mundësi të madhe për formimin e nxënësve të tyre në nivele bashkëkohore. Para autostradave të jashzakonshme të infomacionit në internet ata do të kenë lehtësi në procesin mësomor – edukativ, por mund të dalin krejt jashtë mode, nëse nuk janë të zotë të përdorin këtë teknologji të mrekullueshme.

Lajmetari: 11.12..2006. |top | Commente | Printo