Jeni njohur si mjek kirurg ne Berat. Cila qe shtysa drejt politikes?

        Duke pare cinizmin, hipokrizine, dhe indiferencen ndaj problemeve me te prekshme shoqerore sidomos, vendosa te mos rri ne guacken thjesht te nje profesionisti, por të vendosem ne oponence ndaj atyre qe thashe me siper per te kontribuar sado pak per komunitetin beratas.

LSI ne Berat çfare perfaqëson?

         LSI perfaqëson inte-gritetin, ndershmerine, luften pa kompromis te individit ndaj klaneve e uzurpimit te jetes ekonomike te qytetarit, si dhe fjalen e lire te shprehur nepermjet podiumit te saj pa kurrefare ndroje dhe inferioriteti. LSI është në krahun e qytetarëve përballë dukurive negative të qeverisjes

A po shtrihet Dega e LSI ne qytet dhe ne fshatra?

          Dega e LSI-se ne fshatra ka nje perqafim dhe perthithje nga mendjet dhe zemrat e atyre qe duan drejtesi, punesim, moral ne fshatra dhe qytet, dhe kjo jo me llafe por me aktivizim konkret

Flitet per nje klime penguese nga PS-ja per LSI-ne e Beratit nepermjet pre-sioneve per vendin e punes. A eshte e vertete?

            Per hir te se vertetes, aktualisht ekziston ne mendjen e buxhetoreve ajo hija e represionit qe ka ne elemente te caktuar ne PS (kuptohet te drejtuesve), por qe une gje konkrete nuk di si kryetar i deges së LSI-së. Ne rast se kjo hije do te filloje te nxihet me teper dhe te jete evidente, ne do te reagojme me metodat tona institucionale dhe demokratike.

Edhe 2 muaj na ndajne nga fillimi i vitit te rendesishem elektoral, zgjedhjet politike te 2005. Cili do te jete rezultati elektoral i LSI-se ne Berat sipas parashikimit tuaj?

                Per te qene sa me te thjeshte, konkret dhe modest, shpresojme ne rezultat te kenaqshem, por do t’ia leme ecurise kohore kete profeci..

Kritikat e nderkombetareve per reformat e ndaluara, korrupsionit, monopolet, krimin etj. duket se i kane percjelle qytetareve shqiptare mesazhin e ndryshimit. A jeni pregatitur te filloni veprimin politik pas zgjedhjeve parlamentare si pjese e opozites se majte?

          Veprimi politik ne mos gabohem ka filluar nepermjet metodave tona dhe kuptohet pas zgjedhjeve do te jemi ne lufte te ashper politike, institucionale, brenda te majtes dhe per kete jemi te mirepergatitur dhe te konturuar me se miri.

A keni keshilltare ne komunat dhe Bashkine e Beratit?

          Duke iu referuar afateve qe ka Dega e LSI-së qe ka filluar aktivitetin e saj, mund te them me bindje se numri i te lartpermendurve po shtohet. Tek ata po fillon nje ndergjegjesim dhe reagim i moralit te ndershem qytetar.

Me pak fjale, cilet do te jene vijat themelore te programit tuaj ne fushaten e ardhshme te LSI-së ne Berat?

        Do te mbeshtesim shtetin, individin ne luften ndaj krimit, rritjen e sigurise se shtetasit shqiptar, mire-qenien ekonomike, integrimin e shqiptarit ne Europe nepermjet nje lufte konse-guente diplomatike. Do shtohen dhe mbeshteten investimet duke luftuar korrupsionin me gjithe forcen e ligjeve qe ne do t’i ashpersojme me teper si force politike.

Flitet se mjaft anetare te PS Berat po dorezojne teserat dhe po afrohen ne LSI. A keni ndonje koment per kete dukuri?

        Kjo eshte e vertete. Ne aktualisht nuk na intereson numri i tyre, por na intereson qe ata me te vertete ta kuptojne qe jane tek ne ne rrugen e duhur. Deri tani ata janë endur në rrugë si bleta, e cila  bredh, lodhet për të majmur nënën mbretëreshë. Faleminderit!

Lajmetari