Në një takim të mbledhur enkas për ndërtimet pa leje në qytetin dhe lagjet muzeale, prefekti i qarkut të Beratit Roland Bejko, i ka tëhequr vëmendjen policisë së ndërtimit dhe pushtetit vendor për mos prishjen e ndërtiemve të paligjshme në të gjitha lagjet e qytetit. Nuk mjafton përcaktimi i 577 ndërtimeve pa leje, por edhe prishja e tyre.
Ajo ç’ka po bie në sy si dhe nga ankesat e banorve të lagjeve është se policia e ndërtimit dhe krerët e pushtetit vendor vazhdojnë të inkurajojnë këto ndërtime të paligjshme.
Sipas tij nuk ka si të ndodhë ndryshe, kur vetëm 100 metera larg godinës të bashkisë vazhdon të ndërtohet në mes të ditës me diell dhe askush nga personat përgjegjës në bashki nuk shkon të ndaloj këtë masakër ndërtimesh që po bëhen në qytetin-muze si dhe në zonat tampon pa marrë parasysh edhe studimin e specialistve në këto zona. Disa nga këto ndërtime që janë pezulluar nga prefekti janë në lagjen “10 Korriku” në qendër të lagjes tek anxhensia e vjetër, vetëm 100 metra larg godinës të bashkisë. Burime zyrtare të prefekturës pohuan për gazetën se për të gjitha problemet e ngritura në takim prefekti Bejko ka marrë edhe disa masa admistrative që janë: vërejtje me paraljmrim për pushim nga puna të kreut të policise së ndërtimit Rezart Dollani, pezullimin e të gjitha ndërtimeve pa leje si dhe ka urdhëruar që pas verifikimit të dekumenteve përkatëse të fillojë prishja e tyre.
Prefekti ka urdhëruar edhe auditin që të verifikojë të gjitha dekumentet e secilit ndërtim si dhe lejet e lëshuara për të ndërtuar në zonat tampon pa marrë më parë pëlqimin e specialistve, të cilit janë arkitektë e inxhinerë ndërtimi.
Sipas burimit zyrtar prefekti Bejko ka thënë se duhet t’u largohemi paradokseve kur një njeri lejohet të ndërtojë një, dy e tre katësh në zonat muzeale apo në ato tampon, ndërsa tjetrit i duhet të përballet me një gjobë 5 milionë lekë dhe t’i prishet një sokaku të betonët të cilin qytetari i thjeshtë e prish menjëherë sapo tek porta i mbërrinë policia ndërtimore. Prefkti gjithashtu ka urdhruar që të ndiqen edhe penalisht nëse gjatë kontrollit zbulohen se lejet e ndërtimit janë fallsifikuar apo janë marrë me ryshfet. Për takimin në prefkturë krertë e bashkisë së Beratit thanë për gazetën se ndërtimet pa leje që po ndërtohen në lagjen “10 Korriku” janë pezulluar dhe se kryetari i bashkisë së Beratit Fadil Nasufi ka urdhëruar prishjen e tyre, ndërsa është policia ndërtimore ajo që nuk po vepron sipas ligjit.
Kryetari i bashkisë Fadil Nasufi i kontaktuar në linjë telefonike, pohoi se të gjitha ndërtimet pa leje do të prishen, ndërsa i pyetur për ndsërtimet pa leje që po bëhen në lagjen “10 Korriku” përballë bashkisë Nasufi pohoi se edhe ato ndërtime do të prishen.
Gjithsesi vlen të përmendet se në 10 ditët e fundit në lagjet muzeale dhe në zonat tampon vazhdojnë të ndërtohen 5 ndërtime, tri nga të cilat mbi anxhensinë e vjetër vetëm 100 metra larg bashkisë dhe policisë së ndërtimit.
S. Gozhina ("Lajmetari i Beratit" nr. 194 dt.09.07.07)